بو گون خالق آرتیستی، تئاتر و کینو آکتیورو رضا افغانلینین دوغوم گونودور.

Kult.az اونون حاقیندا ماراق‌لی فاکتلاری تقدیم ائدیر:

رضا روستم اوغلو جعفرزاده ۱۸۸۹-جو ایل مایین ۱۵-ده جنوبی آذربایجانین سراب شهرینده آنادان اولوب. ایکی یاشی اولان‌دا آتاسی دونیاسینی دییشیر. کیچیک یاشلاریندان قاپیلاردا نؤکرچیلیک ائدیر، مولکدارلارین قویون-قوزوسونو اوتارماغا مجبور اولور.

او، ۱۹۱۲-جی ایلده باکییا، ۱۹۱۶-جی ایلده ایسه پیاتیقورسکییه گئدیر. آنجاق اورادا دا حیات اوزونه گولمور. چوخ کئچمیر، نئجه اولورسا روس اوردوسونا حربی خدمته چاغیریلیر.

رضا افقانلی ثمره‌لی نه ایسه بیر ایش گؤرمک ایستییر. او، بیر مدت سونرا یئنی‌دن باکییا قاییدیر. نفت معدنلرینده ایشه دوزلیر. عینی زامان‌دا صابون‌چو قصبه‌سینده‌کی درام درنیینه عضو یازیلیر.

درام درنیین‌ده اونون بیر نئچه ماراقلی چیخیشی دقتدن یایینمیر. چوخ کئچمیر مرکزی سییار تئاترین‌دا ایشه دوزلیر. متن ازبرلمک قابیلیتی، اونو اوبرازین کاراکترینه اویغون شکیلده سؤیله‌مه‌سی، صحنه‌ده‌کی ژئستلری رئژیسسورلارین دا دقتینی چکیر. بئله‌لیکله، ۱۹۲۳-جو ایلده میللی درام تئاترین تروپپاسین‌دا ایشه گؤتورولور. عینی زامان‌دا تحصیل آلماغی دا اونوتمور. ۱۹۲۶-جی ایلده باکی تئاتر مکتبینی بیتیریر.

اوتوزونجو ایللرده ایران وطنداشلارینی گئرییه دئپورتاسییا ائدیرلر. افقان‌لی آکتیور اولدوغو و تئاتردا چالیشدیغی اوچون قالیر. ایرانا دؤنمدیی و ایران وتنداشلیغین‌دان ایمتینا ائتمدیی اوچون اونو بورادا حبس ائدیبلر. هبسخانا آزاد قادین هیکلینین یانین‌دا یئرلشه‌ن و او واخت «کارامئل فابریکی» آدلانان بینا اولور. هبسخانانین پنجره‌سین‌دن باخان‌دا افقان‌لی اوزبوز بینادا یاشایان سونا آدلی بیر بی قیزینی گؤرور. اونا مؤهکه‌م وورولور. هبسخانادان چیخان‌دان سونرا همین خانی‌می تاپیب، اونونلا عائله حیاتی قورور. بو نیکاه‌دان اونلارین خومار آدلی قیزی دونیایا گلیر.
ایکینجی دفعه ایسه رضا افقان‌لی گئییم اوزره رس‌سام اولان بدوره خانیملا عائله قوروب.
رضا افغانلینین اوچونجو ائولی‌لییی تئاتردا رقاصه اولان طاهیره خانیملا باش توتوب. بو ائولیلیک‌دن آکتریسا اوفلییا آسلان دونیایا گلیر.

کینو اوزره ایلک اوردنی استالینین امریله باقروو رضا افغانلینین سینه‌سینه تاخیب. آکتیور «کندلیلر» فیلمین‌ده باقرووون اوبرازینی یاراتمیشدی.
بؤیوک آکتیور ۹ نویابر ۱۹۷۳-جو ایلده باکی‌دا وفات ائدیب.