تورکلرین تاریخه میراث قویدوقلاری ملی-معنوی ایده‌آللاردان بیری ده قیزیل آلما ایله باغلی‌دیر. قدیم تورک تاریخینین اؤنملی مرحله‌لرینده داها چوخ اؤن پلانا چیخان قیزیل آلما ایده‌آلی گونوموزده ده تورکیه‌ده مختلیف مقاله، مصاحیبه و خبرلرین موضوع‌سونا چئوریلیب. یازار، تدقیقات‌چی عالیم و تورکچو ایدئولوگ محسن کادیوغلو ۲۰۱۸ –جی ایلده نشر اولونموش "قیزیل آلما" کیتابیندا بو ساحه‌ده اولان مباحثه‌لی فکرلرین، یالنیش ملاحظه‌لرین جوابی اولاراق موضوع‌یا آیدین‌لیق گتیریب. سؤزوگئدن کتاب‌دا قیزیل آلما ایده‌آلی مختلیف آسپکتلردن آراشدیریلیب، قیزیل آلمانین میفولوژی، دینی، ملی، جغرافی، تاریخی، سیاسی، دولت‌چیلیک، ادبی اؤزللیکلری میدانا چیخاریلیب.

محسن کادیوغلو بو ایده‌آلین ماهیتینی بئله آچیقلاییر: «تورک ملیتچیلیینین اؤنملی سیمووللاریندان اولان قیزیل آلما اوبرازی تورک دولتلری اوچون فتح ائدیلمه‌سی لازیم بیر دیاری، بعضا دولت قورماق ایده‌آلینی، بعضا جهان حاکمیتینی، بعضا ده تورک بیرلییی ایدئایاسینی ایفاده ائتمیشدیر».

"قیزیل آلما هم دینی، هم ده ملی بیر ایده‌آل اولاراق فاتحلرین ایر‌لی آپاران گوجو اولموشدور". کادیوغلو بو باخیم‌دان ۱۶-جی عصری قیزیل آلما ایده‌آلینین ایکینجی، یئنی و داها فعال بیر مرحله‌سی کیمی دیرلندیریر: "سلطان سلیمان دورون‌ده قیزیل آلما فکرینین جانلاندیغی معلوم اولور.

قیزیل آلما ایده‌آلینین اوچونجو مرحله‌سی ایسه ۲۰-جی عصرین اوللرینده تورک بیرلییی ایدئیاسی کیمی میدانا چیخماغا باشلاییر. بو دورده ضیا گؤکالپ و عمر سیفدالین طرفیندن یئنی‌دن گونده‌مه گلیر و قیزیل آلما ایده‌آلی توران ایده‌آلی ایله بیرلشه‌رک، یئنی بیر آنلام قازانیر.

عنعنوی اولاراق قیزیل آلما ایده‌آلینین ایلک منعیی کیمی "ارگنه‌کون" داستانی گؤستریلیر.دوشمنین حیله‌سینه هدف اولان تورکلرین ارگنه‌کون دوزنلیینده یئنی‌دن تؤره‌ییب تکرار اؤز تورپاقلارینا دؤنمه عزمینی و دوشمنله مباریزه‌سینی ایفاده ائد‌ن داستانین قیزیل آلما ایده‌آلینین تملینده دایانماسی تصادفی دئییلدیر.

۱۶-جی عصردن یئنی بیر وسعت آلان «قیزیل آلما» ایده‌آلینین اساس هدفی آوروپا اؤلکه‌لری ایدی. بورادا "اسکی یوردا تکرار دؤنمک" فکرلری ده قیزیل آلما ایده‌آلینین کؤکلرینینین داها قدیملره سؤیکندیینی عکس ائتدیریر.

محسن کادیوغلو ایلکین قایناقلارینین نتیجه‌لرینه اساس‌لاناراق بئله ایفاده ائتمیشدیر: "شرقی آنادولو ایله آذربایجان تورکلری آراسینداکی گئنیش یاییلمیش اینانجا گؤره، قدیم خزر تورکلرینین پایتاختین‌دا خاقانین ایپک اوتاغینین تپه‌سینده‌کی «آلتین توپ»ون اولدوغو یئر قفقازین جنوبوندا و اؤن آسیاداکی تورکلرین فتح اؤلکه‌سی اولاراق، «قیزیل آلما» آدی ایله سیمووللاشدیریلمیشدیر».

یازارا بیلدیریر کی، قیزیل آلما بیر اوتوپییا دئییل، کونکرت هدفلر سیاهی‌سی‌دیر. بو هدفلردن بیرینه یئتیشدیکدن سونرا دیگر هدفه یؤنلیریک.

متخصصلر اونو دا بیلدیریرلر کی، قیزیل آلماسی ایدیاسینین هر دورونون اؤز شرطلری و رئاللیقلاری وار.