تهلوکه‌سیزلیک مأمورلاری تهران‌دا کئچیریلن کیتاب سرگیسینده آذربایجان‌لی نشریاتچیلارین نماییش ائتدیردیکلری کیتابلار ییغیشدیریبلار.

Kult.az خبر وئریر کی، بو باره‌ده گونئی‌لی مدنی فعال و شاعر سید مغان‌لی معلومات وئریب.

اونون سؤزلرینه گؤره، «بایاتیلار»، «آذربایجان ناغیللاری»، «نسیمی دیوانی»، «باغلاما پنجره‌سی»، «توران تاریخی»، «صمد بهرنگینین ناغیللاری»، «آذربایجان جغرافییاسی» و پروفسور محمدتقی زهتابییه عاید اولان بوتون کیتابلار سرگیدن گؤتورولوب.

یئرلی فعاللار پانفارسیست جریانا منصوب اولان و «آذری» گروپلاشماسینین آذربایجان ناشرلرینین کتابلارینین مصادیره اولونماسین‌دا اهمیتلی رول اوینادیغینی بیلدیریب.

اونلارین سرگی‌ده اشتراک ائد‌ن کیتابلارین سیاهی‌سینی توتاراق، تهلوکه‌سیزلیک اداره‌سینه وئردیی دئییلیر.

مصادیره اولونان کتابلارین هامی‌سی اجازه ایله قانونی شکیل‌ده نشر اولونوب.

خاطرلاداق کی، ۳۳۵-جی تهران بین‌الخالق کیتاب سرگی‌سی مایین ۸-ده باشلاییب، مایین ۱۸-ا کیمی داوام ائد‌جک.