یوخاری

آروادی اسیر دوشدو، عمرو بویو گولمه‌دی – شاه اسماعیل نئجه ختایی اولدو؟

آنا صحیفه کولت
12 Punto 14 Punto 16 Punto 18 Punto

بو گون آذربایجان صفویلر دولتینین بانی‌سی شاه اسماعیل ختاینین وفاتیندان ۵۰۰ ایل کئچیر.

Kult.az بو مناسیبتله هم ده بؤیوک شاعر کیمی تانینان ختایی حاقیندا ماراقلی فاکتلاری تقدیم ائدیر.

بیر چوخ تاریخی شخصیتلر کیمی شاه ختایی حاقیندا دا تاریخی منبع‌لرله یاناشی شفاهی احوالاتلار دولانماقدادیر.

چوخو مشهور «شاه اسماعیل» داستانینین اونا عاید اولدوغونو دوشونور. حالبوکی داستانین شاه اسماعیل ختایی ایله یاخیندان-اوزاق‌دان علاقه‌سی یوخدور.

چالدیران دؤیوشونده شاه اسماعیلین خانمی تاجلی بییمین سلطان سلیمین آداملارینا اسیر دوشدویو دئییلیر. تاجلی بییم اوستونده‌کی زینت اشیالارینی عسگرلره وئره‌رک، قاچیر، لاکین اونون عاقیبتی بیلینمیر. شاه اسماعیل بون‌دان سونرا ختا ائد‌ن آنلامینا گلن ختایی تخلصونو گؤتورور و عمرونون آخیریناجان گولمور. بوندان سونرا یازدیغی شعیرلرین ده مزمونو دییشیر، داها کدرلی و بدبین اولور.

۱۵ یاشین‌دا باکینی، تبریزی آلیب اؤزونو شاه اعلان ائدیر، سونرالار دا چوخلو قانلی دؤیوشلر آپاراراق، گئنیش اراضیلر توتور.

سلطان سلیمین قوشونونا گیزلین هجوم تکلیفینه «من کاروان باسان قولدور دئییلم!» دئیه جواب وئرن شاه اسماعیل ختایی عثمانلی اوردوسونون آوروپادان آلدیغی توپلاردان استفاده ائد‌رک اونا آتش آچماسینی نامردلیک کیمی قبول ائدیر.

ختایینین قیلینجی ایله باغلی بئله بیر روایت دولاشیر. سلطان سلیم مکتوب یازیب او قیلینجی ایستییر، شاه ایسماعیل گؤندریر. ایکینجی مکتوبدا بیلدیریلیر کی، بو، همین قیلینج دئییل، عینی توپا ووردوق، کسمه‌دی. ختایینین جوابی چوخ پویتیک آلینیر: «قیلینج همین قیلینج‌دیر، قول همین قول دئییل».

شاه اسماعیل دربند شهریندن ایران کؤرفزینه قدر بؤیوک بیر ایمپرییا قورموشدو و او ایمپرییانین دیلی آذربایجان دیلی ایدی.

تاریخ
2024.05.23 / 16:24
مولف
اسماعیلووا سوزاننا
شرح لر
دیگر خبرلر

علیمرادی: تیکاب شهرینین تاریخی «سوغورلوق» عابده‌سی محو ائدیلیر

شرقین ایلک هیکل‌تراش قادینی:زیور مممدووا

گوگوش حاقین‌دا فیلم چکیلیر - ویدئو

"عمی اوغلو و عمی قیزینین نیکاحی گؤیده کسیلیب؟" – بئله یارانیب

«آخیلس دابانی» نه دئمک‌دیر - بئله یارانیب

۱۰۰۳ خوجالی اسیرینی خلاص ائد‌ن شهیدیمیز: آللاهوئردی باقروو

عوض اولونماز سؤز استادی - اؤزدمیر آصف

«دیوارین دا قولاغی وار»- بو ایفاده نئجه یارانیب؟

"قاراباغ شیکسته‌سی" روک ژانریندا ایفا اولوندو – ویدئو

صحنه‌میزین تکرارسیز "کلئوپاترا"سی: حکومه قربانووا

خبر خطّی
Axar.az'da reklam Bağla
Reklam
Bize yazin Bağla