بو گون جمعی ۵۰ ایل یاشاماسینا باخمایاراق، ادبی ارثی اؤزوندن سونراکی آذربایجان پویزییاسینا بؤیوک تأثیر گؤسترن خالق شاعری صمد وورغونون وفاتین‌دان ۶۸ ایل اؤتور.

Kult.az بو مناسیبتله اونونلا باغلی خالق آراسیندا دولاشان ماراقلی فاکتلاری تقدیم ائدیر:

صمد یوسف اوغلو وکیلوو ۱۹۰۶-جی ایلده قازاخ قزاسینین یوخاری سالاحلی کندینده آنادان اولوب. آتاسی گؤزل ساز ایفاچی‌سی کیمی تانینیب. ابتدای تحصیلینی روس-تاتار مکتبینده آلیب. فرودین بی کؤچرلینین قازاخ‌دا تشکیل ائتدیی قوری معلملر سمینارییاسینین آذربایجان شعبه‌سینده تحصیل آلیب.

آذربایجانین ایلک خالق شاعری اولوب.

ایکی دفعه استالین مکافاتی، ایکی دفعه لنین اوردنی آلیب. بونلارین هر بیری اؤز دؤورو اوچون اولدوقجا بؤیوک آد، یوکسک وظیفه و قیمتلی مکافات ایدی.

ایلک شعیرلرینی سمینارییادا اوخودوغو واخت یازیب. ۱۹۳۵-جی ایلده ۷ پویما و ۱۰۰-دک شعیر یازیب. ان مشهور شعیرلری: «آذربایجان»، «جیران»، «داغلار»، «شاعر، نه تئز قوجالدین سن؟»، «من تلسمیرم»، «خاوریم». شعیرلرینه چوخلو ماهنیلار بستلنیب.

«کومسومول پویماسی»، «تالستان»، «مغان»، «آیگون» پویمالارینین موتیولری اساسیندا «یئددی اوغول ایستره‌م» و «آیگون» فیلملری چکیلیب.

مشهور اورک حکیمی جواد هئیتین بیر خاطره‌سینده دئییر:

«وفاتین‌دان بیر قدر اول شهریارلا گؤروشوموزده اوندان سوروشدوم کی، شمال شاعرلریندن هانسینی اوستون ساییرسینیز؟ بیر آز دوشوندو و دئدی: صمد وورغونو».

وورغون بختیار واهابزادنین ایلک شعیرینی اوخویاندا دئییر: «من‌دن یاخشی شاعردیر!»

بو ایکی-اوچ کلمه بختیار واهاب‌زاده‌یه قیسا مدتده اینانیلماز شهرت گتیریر.

صمد وورغون دورره آدلی بیر قیزی سئویرمیش. اما قیز همین واخت داها مهشور اولان بیر پولکوونیکه اره گئدیر. واخت اؤتور صمد آذربایجانین سئویم‌لیسینه چئوریلیر. بیر گون تانینمیشلارین چوخلوق تشکیل ائتدیی بیر مجلیس‌ده اونلار راستلاشیرلار.

-سن منه اولان سئوگیندن بئله گؤزل شعیرلر یازمیسان. چوخ دا اؤیونمه، من اولماسایدیم سن ده بو قدر مشهور اولمازدین. سنی من شاعر ائلمیشم.
س. وورغون دا جوابین‌دا دئییر:

-شاعر ائلیه بیلنسه‌نسه، یانینداکینی دا ائله.

عمور یولوندا دقتی ان چوخ چکن مقام ایسه خالق شاعری آدینی آلماسیدیر.

۱۹۵۶-جی ایلده شاعرین ۵۰ ایللیک یوبیلیی مناسیبتیله «آذربایجانین خالق شاعری» آدی تاسیس اولوندو. طبیعی کی، بو فخری آدی ایلک دفعه صمد وورغونا وئریرلر.

مایین ۱۲-ده اوپرا و بالت تئاترین‌دا شاعرین یوبیلیی بؤیوک طنطه‌نه ایله قید اولونور. مایین ۲۷-ده شاعر گؤزلرینی حیاتا ابدی یومور. مزاری فخری خیاباندادیر.