شرقی آذربایجان ایالتینین ماراغا شهرینده یئرلشه‌ن ۱۰ تاریخی عابده آجیناجاقلی دوروم‌دادیر.

Kult.az خبر وئریر کی، بو باره‌ده یئرلی مدنی فعاللار معلومات یاییب.

بیلدیریلیب کی، عابده‌لر باخیم‌سیزلیق اوجباتیندان داغیلماق تهلوکه‌سی ایله اوزلشیب.

«قاجارلار دؤورونه عایید اولان عابده‌لردن فردی ایش یئرلری کیمی استفاده ائدیلمه‌سی، برپاسینا دقت یئتیریلمه‌مه‌سی اونلارین محو اولما پروسسینی سرعتلندیریب»،- فعاللار بیلدیریب.

ماراغا شهرینین مدنی ارث تشکیلاتی مسئله ایله باغلی آچیقلاماسین‌دا فاکتی تصدیقله‌ییب.

«عابده‌لرین برپاسی و قورونماسی اوچون ایش آداملاری و بلدییه‌نین دستیینه احتیاج وار».

ماراغا بلدییه‌سی ایسه عابده‌لردن تجارت مرکزلری کیمی استفاده ائدیلدیینی، اونلارین باغلاناجاغی تقدیرده شهرین اقتصادیاتینا زیان دیه‌جه‌یینی بیلدیریب.

قید ائدک کی، ۱۰ کاروانسارانین ایکی‌سی ایران ملی اثرلری سیاهیسیندا قیدیاتا آلینماسینا باخمایاراق، اونلارین برپاسی اوچون وسایت آیریلمیر.

مدنی ارث، توریزم و ال ایشلری نازیرلیینین یئرلی بؤلمه‌لری تاریخی عابده‌لرین برپاسی و قورونماسی اوچون مرکزدن یئترلی بودجه آیریلمادیغینی دئییر، پروبلمین حلی اوچون عابده‌لرین اؤزل سکتورا وئریلمه‌سینی تکلیف ائدیرلر.