بریتانییانین «شورتلیست» ژورنالی واختی ایله کیتابخانا رفلریندن و ماغازالاردان مصادیره ائدیله‌رک مطالعه‌سینه قاداغا قویولموش کیتابلارین سیاهی‌سینی ترتیب ائدیب.

Kult.az همین سیاهی‌دا اولان جورج اورولین «حیوان فرماسی» (و یا «حیوانستان») کتابی حاقین‌دا معلوماتلاری تقدیم ائدیر.

جورج اورول بو رومانینی ۱۹۴۳-جو ایلده بیتیریب. کتاب‌دا ۲-جی دونیا محاربه‌سی زمانی بؤیوک بریتانییانین اساس متفیقی اولان اس.اس.ار.ای تنقید ائدیلدیی اوچون هئچ بیر ناشیر اونو چاپ ائتمک ایسته‌مه‌ییب. بو کتاب ۱۹۸۰-جی ایله کیمی اس.اس.ار.ای-ده قاداغان ائدیلمیش کتابلار سیاهیسینا سالینمیشدی.

رومانین چاپ اولونماسینا و ساتیشینا بیرلشمیش عرب امیرلیینده ده قاداغا قویولموشدو. چونکی اثرده اسلامی دیرلرین ضدینه اولان اوبرازلار یئر آلیر. بو اثره شمالی کورئیادا هله ده قاداغا قویولوب.

جورج اورولین دیگر اثری ده واختیله قاداغان ائدیلمیش کیتابلار سیاهی‌سینا داخیل ائدیلیب. بو، «۱۹۸۴» رومانیدیر. دیستوپییا ژانریندا اولان بو رومانین موضوع‌سو شخصیته پرستیشین گتیردیی فسادلاردان بحث ائدیر. استالین بو اثری اؤزونون دولتی اداره‌ائتمه اوصولو باره‌ده «خوشاگلمز رای» کیمی نظردن کئچیرمیش و گوجونو نماییش ائتدیره‌رک اونون چاپینی سووئت اتفاقیندا قاداغان ائتمیشدی. قاداغا ۱۹۹۰-جی ایله قدر قوه‌ده قالدی. اصلینده ایسه، رومان ایکینجی دونیا محاربه‌سیندن سونرا یارانمیش بوتون توتالیتار رژیملری افشا ائدیر.

رومانین ایلک اؤنجه «آوروپانین سون آدامی» آدی آلتیندا چاپ اولونماسی پلانلاشدیریلسا دا، یازیچینین یاییم ایشلری اوزره موکلی اونو «۱۹۸۴» آدی ایله نشر ائتمیی داها مناسیب حساب ائتمیشدی. «۱۹۸۴» ج. اورولین ان چوخ اوخونان اثردیر.