مایین ۲۹-دا باکی‌دا حیدر علیئو ساراییندا غربی آذربایجان اجماسینین و «اولو گؤیچه» شرکتینین تشکیلاتچی‌لیغی ایله «گؤیچه آشیق مکتبی – دونن و بو گون» آدلی محتشم کنسرت کئچیریلیب.

Kult.az خبر وئریر کی، گؤیچه آشیق صنعتینه حصر اولونموش ایلک ایری مقیاس‌لی کنسرت مشهور «دالغا» گروپونون رهبری، گؤیچه آشیق مکتبینین داوام‌چیلاریندان اولان چینگیز مهدیپورون بدیعی رهبرلییی ایله تشکیل اولونوب.

کنسرت‌دن اول قوناقلار فویه‌ده غربی آذربایجانین تاریخی عابده‌لرینی، طبیعت منظره‌لرینی، خریطه‌لرینی، ۱۹۸۷-۹۱-جی ایللرده ارمنیستان اس.اس.ار-دن زورلا چیخاریلمیش غربی آذربایجانلیلارین قاچقینلیق حیاتینی عکس ائتدیره‌ن فوتوسرگی ایله تانیش اولوبلار. سرگی‌ده، همچینین بختیار قهرمانوو طرفین‌دن گؤیچه محالینین قاراقویونلو کندینین ۳د فورماتیندا ییغیلمیش ماکتی ده نماییش ائدیلیب.

تدبیرده گؤیچه آشیق مکتبی، اونون یئتیشدیردیی گؤرکملی سیمالار، اوستادلار باره‌ده معلومات وئریلیب، ارمنیستانین آذربایجانلیلارا قارشی آپاردیغی ائتنیک تمیزله‌مه سیاستینین آذربایجان آشیق صنعتینین بئشیی اولان گؤیچه آشیق مکتبینه ساغالماز یارا ووردوغو دقته چاتدیریلیب.

بیلدیریلیب کی، بونونلا بئله، گؤیچه آشیق مکتبینین داوامچیلاری و تعصب‌کئشلری اؤز متانتلری و میثیل‌سیز بدیعی-استئتیک اوستالیقلاری ایله اوزان-آشیق صنعتینین مینیل‌لیک عنعنه‌لرینی یاشادیرلار.

کنسرت‌ده گؤیچه آشیقلاریندان آشیق رامین قارایئو، آشیق ناظیم قولیئو، آشیق علی زینالابدینوو، آشیق خاطره مممدخان‌لی، ائلجه ده خالق آرتیستی عالیم قاسیموو، آشیق افسانه کریمووا، آشیق چینگیز مهدیپور، خاننده میراعلم میراعلموو، آشیق محبوب ابدی، آشیق بهنام ملکی بیر-بیریندن ماراقلی موسیقی نمره‌لری ایله چیخیش ائدیب، گؤیچه آشیق صنعتینین، غربی آذربایجان ساز هاوالارینین پارلاق نمونه‌لری ایله قوناقلارا اونودولماز آنلار یاشادیبلار.