بو گون گؤرکم‌لی آذربایجان ساتیریکی میرزا علی‌اکبر صابرین دوغوم گونودور.

Kult.az بو مناسیبتله شاعرین سئچمه شعیرلرین‌دن بیرینی تقدیم ائدیر:

آخ!..نئجه کیف چکمه‌لی ایام ایدی
آخ!.. نئجه کیف چکمه‌لی ایام ایدی،
اوندا کی، اولاد وطن خام ایدی!

اؤز حقی-مشروعی بیلمزدی ائل،
چهره‌-حریته گولمزدی ائل،
گؤزلرینی بیر کره سیلمزدی ائل،
قزته‌یه، ژورناله اییلمزدی ائل،
دایم اشیتدیکلری اوهام ایدی،
آخ!.. نئجه کیف چکمه‌لی ایام ایدی!

اؤلکه‌ده بونجا یوخ ایدی عیب جو،
نیلریدیکسه گؤرونوردو نیکو،
خلق‌ده دیداریمیزه آرزو،
بیزده وار ایدی نه گؤزل آبرو،
حرمتیمیز واجبی-اسلام ایدی،
آخ!.. نئجه کیف چکمه‌لی ایام ایدی!

ملته چاتدیقجا غم، عیاش ایدیک،
حاکمه یار، آمره قارداش ایدیک،
قبله‌ تات گهی-اوباش ایدیک،
هاردا آش اولسایدی، اورا باش ایدیک،
هر گئجه، هر گون بیزه بایرام ایدی،
آخ!.. نئجه کیف چکمه‌لی ایام ایدی!

گرچی ریا ایدی بوتون کاریمیز،
کار ایله برک ایدی کرداریمیز،
لیک همان وار ایدی میقداریمیز،
حجت ایدی هر کسه گفتاریمیز،
خلقین ایشی بیزلره اکرام ایدی،
آخ!.. نئجه کیف چکمه‌لی ایام ایدی!

عیبیمیزی چولغالامیشدی ابا،
هر نه گلیردی بوشالیردی قابا،
کیم نه قانیردی، - ندی زهد و ریا؟
ناخوشا خاک دریمیزدن شفا،
سؤمعه‌میز کعبه احرام ایدی،
آخ!.. نئجه کیف چکمه‌لی ایام ایدی!

بیزلر ایدیک خلقین ایناندیقلاری،
پیری-هدایت دئیه قاندیقلاری،
نور غرورلاردی قارانلیقلاری،
بیزده ایدی جمله قازاندیقلاری،
کیم بیزه پول وئرمه‌سه بدنام ایدی،
آخ!.. نئجه کیف چکمه‌لی ایام ایدی!

ایندی آداملار دئیه‌سه‌ن جین‌دیلر،
جین ندی، شیطان کیمی بی‌دین‌دیلر،
لاپ بیزی اوسارلادیلار، میندیلر،
آی کئچن ایام، اولاسان ایندیلر!..
اوندا کی، اولادی وطن خام ایدی!
آخ!.. نئجه کیف چکمه‌لی ایام ایدی!