بریتانییانین «شورتلیست» ژورنالی واختی ایله کیتابخانا رفلریندن و ماغازالاردان مصادیره ائدیله‌رک مطالیه‌سینه قاداغا قویولموش کتابلارین سیاهی‌سینی ترتیب ائدیب.

Kult.az همین سیاهی‌دان جون ایستینبک: «غضب سالخیمی»کیتابینی تقدیم ائدیر:

ج . ایستینبک «غضب سالخمی» رومانینی ۱۹۳۹-جو ایلده یازیب و اثر آمریکادا بؤیوک رزونانس دوغوروب. بو رومانا گؤره ج. ایستینبک پولیتزر مکافاتینا لایق گؤرولوب. اثرده آمریکادا یاشانمیش بؤیوک بحرانین (۱۹۲۹–۱۹۳۳) کند اهالی‌سینین تالعینه ووردوغو تأثیردن سؤز آچیلیر.

رومانین تاریخچه‌سینه گلینجه، ایستینبئک یازاجاغی اوچئرکلری اوچون ماتریال توپلاماق مقصدیله ۱۹۳۶-جی ایلین یایینی موسومی فهله‌لرین آراسیندا کئچیریر. گؤردوکلری اونو او قدر سارسدیر کی، بورادا مشاهی‌ده ائتدیکلری یئنی اثرینین سوژت خطینه چئوریلیر. روماندا اؤلکه وطنداشلارینین آجیناجاق‌لی حیاتی تصویر اولونوردو. ادبی تنقیدچیلر کتابی ماراقلا قارشیلادیقلاری حال‌دا، حاکمیت اورگانلاری اونون ساتیشینا آمریکانین بیر سیرا اشتاتلاریندا قاداغا قویدو. «غضب سالخیمی» رومانی ۱۹۵۲-جی ایلده ایرلاندییادا، ۱۹۸۲-جی ایلده ایسه کانادانین موریس شهرینده قاداغان ائدیلدی. روماندا بعضی ولقار ایفاده‌لردن ایستیفاده ائدیلدیی اوچون حتی اؤتن عصرین ۷۰–۸۰-جی ایللرینده ده کتابین مطالعه‌سینه آمریکانین بیر چوخ مکتبلرینده قاداغا قویولموشدو.