تبریزین جنوب-شرقین‌ده یئرلشه‌ن نئچه مین ایللیک تاریخی "پینه شالوار" قبریستان‌لیغی تمامیله محو اولماق اوزره‌دیر.

Kult.az خبر وئریر کی، بو باره‌ده یئرلی مده‌نی فعاللار معلومات یاییب.

مده‌نی فعاللار قبریستان‌لیق‌داکی مزارلارین بیر چوخون‌دا باش داشلارینین کیشی جنسیت اورگانی شکلینده اولماسینا گؤره، حاکمیتین تاریخی عابیدنین محو اولماسین‌دا ماراقلی اولدوغونو یازیبلار.

"بونا گؤره ده، تاریخی قبریستانلیغین قورونماسی و قیدیاتا آلینماسی ایله باغلی ائدیلن مراجعتلر نتیجه‌سیز قالیب"،- فعاللار بیلدیریبلر.

بیلدیریلیب کی، قبریستان‌لیق‌دا چوخ سایدا تاریخی شخصیتین، او جمله‌دن الخان‌لیلار سلاله‌سینین ایکینجی شاهی سلطان اووئیسین مزاری وار.

اؤزونه‌مخصوص باش و سینه داشلاری ایله تانینان تاریخی قبریستان‌لیق اسلام‌دان اول، اسلام دورو و اوندان سونراکی دؤورده بؤلگه‌ده یاشایانلارین دفن ائدیلدیی یئر اولوب.