غربی آذربایجان خرونیکاسی لاییحه‌سی چرچیوه‌سین‌ده صنعت‌شناس‌لیق اوزره فلسفه دوکتورو ائلچین علی‌بی‌لینین تقدیماتین‌دا «ارثیمیز» روبریکاسینین نوبتی بوراخیلیشی حاضیرلانیب.

Kult.az خبر وئریر کی، سوژئت‌ده ۱۹۹۰-جی ایلده تبریزده یارادیلمیش و آشیق موسیقی‌سینی یئنی اوسلوب‌دا دونیانین بیر چوخ اؤلکه‌لرین‌ده تبلیغ ائتمیش «دالغا» موسیقی گروپونون فعالیتیندن، تبریز و گؤیچه آشیق مکتبیندن سؤز آچیلیر.

مشهور «دالغا» گروپونون رهبری، گؤیچه آشیق مکتبینین داوام‌چیلاریندان اولان، عوضسیز صنعتکار چینگیز مهدیپور گؤیچه محالینین آذربایجان آشیق صنعتینین بئشیی ساییلدیغینی بیلدیریب. او، تبریزده گؤیچه آشیق مکتبینین داوام‌چیلاری و تعصب‌کئشلرینین چوخ اولدوغونو، اونلارین میثیل‌سیز بدیعی-استتیک اوستالیقلاری ایله اوزان-آشیق صنعتینین مینیل‌لیک عنعنه‌لرینین یاشادیلدیغینی سؤیله‌ییب.

سوژئت‌ده او تایلی-بو تایلی آشیق صنعتیمیز گونئی آذربایجان‌دا آشیق یارادیجیلیغیندان، دده علسگرین بؤیوک ارثی، آشیق صنعتی گونئی آذربایجانین هر یئرینده یاییلماسیندان سؤز آچیلیر.

اونون سؤزلرینه گؤره، آشیق هاوالارینی سایی ۱ ۲۰۰-دن چوخ‌دور. آچیق صنعتینین اونودولموش اینجیلرینی یاشادان گؤیچه آشیق محیطی گونئی آذربایجان آشیق صنعتینه بؤیوک تأثیری اولوب. غربی آذربایجان آشیق یارادیجی‌لیغی تبریزده بو گونده یاشادیلیر. هامیمیز آشیق صنعتینین یاشادیلماسی اوچون چالیشمالیییق.

خاطیرلاداق کی، غربی آذربایجان خرونیکاسی لاییحه‌سینین مقصدی تاریخی قدیم تورپاقلاریمیزین آدینین یاشادیلماسی، تانیدیلماسی، همچینین آذربایجان‌لیلارین ارمنیلر طرفیندن دپورتاسییایا معروض قویولماسیندان، همین اراضیلرده موجود اولموش، لاکین آدی سیلینن توپونیملرین، سایسیز-حساب‌سیز یئرآلتی و یئروستو مادی مدنیت نمونه‌لرینین اوزه چیخاریلماسی، همین اراضینین تمیز اوغوز-تورک مسکنلری اولدوغونو تصدیق ائد‌ن فاکتلارین دونیا اجتماعیتینه چاتدیریلماسیدیر.

باکو تی.وی-نین افیرین‌ده یاییم‌لانان وئریلیشی تقدیم ائدیریک: