بریتانییانین «شورتلیست» ژورنالی واختی ایله کیتابخانا رفلرین‌دن و ماغازالاردان مصادیره ائدیله‌رک مطالعه‌سینه قاداغا قویولموش کیتابلارین سیاهی‌سینی ترتیب ائدیب.

Kulis.az همین سیاهی‌دان هنری میلرین "خرچنگ تروپیکی" کیتابینی تقدیم ائدیر.

هنری میللئرین «خرچنگ تروپیکی» رومانی ۱۹۳۰-جو ایللرده فرانسادا باش وئرن حادثه‌لردن بحث ائدیر. بو، آوتوبیوگرافیک اثردیر. میلر بورادا اخلاق، عنعنه، اینانج کیمی دیرلری آشاغیلایان فکرلری ایر‌لی سوره‌رک شهوانی حسلری تام آچیقلیغییلا تصویر ائدیر. بو سبب‌دن ده اثر تعقیبلره معروض قالمیش، نشری، ساتیشی قاداغان اولونموشدو.

۱۹۳۴-جو ایلده فرانسادا نشر اولونان رومان بو اؤلکه‌ده بؤیوک ماراقلا قارشیلان‌سا دا، موضوع اخلاقی چرچیوه‌لردن کنارا چیخدیغی اوچون ایلک اؤنجه آمریکادا، آردینجا ایسه آوسترالییا، اینگیلتره و تورکییه‌ده چاپینا قاداغا قویولموشدو.

آمریکادا بو قاداغا ۱۹۶۰-جی ایللرین اوللرینه قدر قوه‌ده قالمیشدی.