همدان شهرینین یاخینلیغیندا یئرلشن و قاجارلار دؤورونون معمارلیق نمونه‌لریندن اولان تاریخی حامام باخیمسیزلیق سببیندن تامامیله اوچماق تهلکه‌سی ایله اوز-اوز‌ه‌دیر.

Kult.az خبر وئریر کی، بو باره‌ده یئرلی مدنی فعاللار معلومات یاییب.

معلوماتا گؤره، قاجارلار دؤورونده گونئی آذربایجانین ساییلان عائله‌لریندن اولان قاراگؤزلولر عائله‌سی طرفیندن تیکیلن تاریخی حامام بوندان اؤنجه ایرانین میللی اثرلری سیاهی‌سیندا قیده آلینیب. لاکین تعمیری و قورونماسی اوچون هر هانسی آددیم آتیلمادیغینا گؤره عابده آجیناجاقلی وضعیته دوشوب.

«۲۰۱۶-جی ایلده بورادا «علل-بدل» آدلی تلویزییا سریالینین چکیلیشی زامانی تاریخی عاییده‌یه یئنی‌دن جدی زیان دییب. دین زیانین آرادان قالدیریلماسی، یئنیدن‌قورما ایشلرینین آپاریلماسی اوچون همدانین مدنیت خادیملری رسمی قوروملارا مراجعت ائدیبلر. لاکین پروبلئمین حلی ایله باغلی تدبیر گؤرولمه‌ییب»،- معلوماتدا بیلدیریلیب.

قید ائدک کی، گونئی آذربایجانین مختلیف بؤلگه‌لرینده، او جمله‌دن، همدان‌دا اونلارلا تاریخی عابده یوخ اولماق اوزره‌دیر.

مدنی ارث، توریزم و ال ایشلری ناظیرلیی‌نین یئرلی بؤلمه‌لری تاریخی عابده‌لرین برپاسی و قورونماسی اوچون مرکزدن یئترلی بودجه آیریلمادیغینی دئییرلر.