بو گون سناریست، دراماتورق، دولت مکافاتی لاورئاتی، خالق شاعری واقیف صمدوغلونون آنادان اولماسینین ۸۵-جی ایلدؤنومو تمام اولور.

Kult.az خالق شاعری واقیف صمدوغلو حاقین‌دا ماراقلی فاکتلاری تقدیم ائدیر:

واقیف صمد اوغلو وکیلوو ۵ ایون ۱۹۳۹-جو ایلده باکی شهرین‌ده، مشهور آذربایجان شاعری صمد وورغونون عائله‌سینده آنادان اولوب. اصلن قازاخ رایونونون یوخاری سالاحلی کندینین وکیلوولار سویوندان‌دیر.

واقیف صمدوغلو بولبول آدینا موسیقی مکتبینده، داها سونرا اوزییر حاجیبیوو آدینا آذربایجان دولت کنسرواتورییاسیندا تحصیل آلیب.

پویزییا، تئاتر و دراماتورگییا ساحه‌سینده ده جدی فعالیت گؤستریب. «یئددی شعر» آدلی ایلک مطبوع اثری ۱۹۶۳-جو ایلده «آذربایجان» ژورنالین‌دا درج اولونوب. ۲۰۰۰ و ۲۰۰۵-جی ایللرده ایکی دفعه آذربایجانین ملی مجلیسینه سئچیلیب.

واقیف صمدوغلو ایکی دفعه عائله قوروب. ایلک ائولی‌لییی موسیقی‌چی خانیملا اولوب. اونلارین بیرلیک‌ده‌لییی یئددی ایل چکیب. بو ائولیلیکدن ایکی قیزی دوغولوب. عائله حیاتی سونا چاتاندان سونرا واقیف قارشی‌داکی بینادا یئرلشن منزیللردن بیرینه کؤچور. او، قیزلاری ایله چوخ واخت ائیواندان صحبت ائدر، دانیشارمیش. واقیف صمدوغلو ایکینجی دفعه نوشابه خانیملا ائولنیر.

قیزی نیگارین آکتریسا و موغه‌ننی اولماسینا قطعی شکیلده قارشی چیخاراق دئییب: «آکتریسا دا اولماغینی ایستمیرم، منیم بیر آفاق بشیرقیزیم وار، ایکینجییه احتیاج یوخدور».

چوخو بیلمیر کی، شاعرین قارداشی یوسف صمدوغلو بیر مدت واقیف صمدوغلودان کوسولو گزیب. حتی، اونو یوبیلئیینه ده دعوت ائتمه‌ییب. سبب‌سه، واقیفین چوخ ایچمه‌سی اولوب.

عمرونون سون ایللرینده ان بؤیوک ایستکلریندن بیری خاطره‌لرینی یازماق اولوب. خصوصیله ده آتاسی صمد وورغونلا باغلی خاطره‌لری، ماراق‌لی فاکتلاری، بیر ده جمعیتی ماراقلان‌دیراجاق اجتماعی، سیاسی حادثه‌لری یازماق ایسته‌ییب.

خرچنگ خسته‌لییندن اذیت چکه‌ن واقیف صمدوغلو اؤلوم‌دن قورخموردو و سون چیخیشلارینین بیرینده دئمیشدی:

- بوگون-صاباحلیغام. هامینیزی یاسیما دعوت ائدیره‌م!

واقیف صمدوغلو ۲۰۱۵-جی ایل یانوارین ۲۸-ی باکی‌دا دنیاسینی دییشیب. بیرینجی فخری خیاباندا دفن اولونور. اونون بیر شعیرین‌ده یازدیغی مصراعدان تأثیرلنه‌رک مزاری اوستونه گنج بیر خانیم آیاق قابی قویور. بوندان سونرا عائله‌سی ده اونون قبرینی تام فرق‌لی فورمادا، همین شعیرین‌ده‌کی میصراعلارینا اویغون دوزلتدیریر…

«مزاریما

نه باشداشی قویون،

نه هیکل.

بیر جوت آیاق قابی قویون،

آیاغی یالین

گئییب گئتسین...»