تبریزین تاریخی عابده‌لریندن ساییلان و شهرین سیمووللاریندان بیرینه چئوریلن مشهور "توکلی" کبرت زاودو داغیدیلیب.

Kult.az خبر وئریر کی، بو باره‌ده یئرلی سوسیال مئدیا و مدنی فعاللار معلومات یاییب.

اونلارین سؤزلرینه گؤره، تاریخی زاوودون محو ائدیلمه‌سی اوچون بؤلگه‌یه چوخ سایدا تکنیکا و ایشچی جلب اولونوب.

تبریزلیلرین اعتراضلارینا و علاقه‌دار دولت قوروملارینا مراجعتلرینه باخمایاراق ایشلر دایاندیریلماییب.

بوندان اول تبریزلیلر و مدنیت خادیملری "توکلی" کبریت زاوودونون صنایع موزئیینه چئوریلمه‌سی ایله باغلی مراجعتلر ائدیبلر.

شرقی آذربایجان ایالتی‌نین مدنی ارث تشکیلاتی و باشقا دولت قوروملاری مراجعتلری جاوابسیز قویوب.

قید ائدک کی، ایران‌دا ایلک کبریت زاوودو اولان توکلی کبریت زاوودو ۱۹۱۸-جی ایلده تبریزلی ایش آدامی تاغی توکلی طرفیندن انشاع ائدیلیب.

موختلیف دؤورلرده آلمان تکنولوگییاسی و آوادانلیقلاری اساسیندا یئنی‌لنن کبریت زاوودو تبریزین ان اعتبارلی زاوودلاریندان بیری ایدی.