ایستر کمدییا، ایسترسه ده دهشتلی اولسون، هانسی ژانردا فیلملره اوستونلوک وئرمه‌نیز شخصیتینیزین معین جهتلرینی اورتایا قویا بیلر.

Kult.az-این خبرینه گؤره، لیدا اونیورسیتتینین تدقیقات‌چیلاری فیلم سئچیملریمیزین حاقیمیزدا نه دئدیینی آنلاماق اوچون اکسپریمنتلر کئچیریبلر.

دهشت فیلملرینی سئوه‌نلر ناراحات اولماسینلار، بئله فیلملرله ماراقلانماق انسانی پسیخوپات ائتمیر. چوخ گومان کی، بو، بئله بیر انسانین آچیق و اکستراورسییایا مالک اولدوغونو گؤستریر.

اکستروورتلر اویون شوولاری و خبر پروگراملاریندان فرقلی اولاراق حرکت و قورخو فیلملرینه اوستونلوک وئریرلر.
اوولکی آراشدیرمالار دهشت فیلم فاناتلارینین داها آز امپاتیک اولا بیلجیینی ایر‌لی سورموشدو، لاکن ۲۰۲۲-جی ایل معلوماتلاری بونو تکذیب ائدیب.

آراشدیرما نتیجه‌سینده معلوم اولوب کی، سرین هاوالار انسانلاری تئز-تئز رومانتیک کمدییالارا باخماغا سوق ائدیر. بو، هم ده کفایت قدر آچیق بیر فکری تصدیقله‌ییب. "اصل سئوگی" ایده‌آلینا اینانانلار رومانتیک فیلملردن حض آلماغا مئیللیدیرلر.

آراشدیرمالار گؤستریب کی، رومانتیک کمدییالارین پرستیشکارلاری نه‌اینکی «سئوگی هر شیه غالب گلیر» اینامینی تصدیقلییر، هم ده رومانتیک مناسبتلرینده خوشبخت‌لیک یاشاما احتماللاری داها یوکسکدیر.

رومانتیک کمدییالاری بیرلیکده ایزله‌یه‌ن جوتلوکلرین داها یاخشی مناقشه‌لری حل ائتمه قابلیتلرینه صاحب اولدوقلارینی و مناسبتلرینده داها اوزون مدت قالماغا میللی اولدوقلارینی گؤستریب.

علمی فانتاستیکا ژانرینا اوستونلوک وئرمک نارسیستیک میللری و رئاللیقدان قاچماق ایستیینی گؤستره بیلر. علمی فانتاستیکا هوسکارلاری داها چوخ یارادیجی دوشونه‌ن اولورلار. علمی فانتاستیکا هوسکارلارینین یئنی تجربه‌لره آچیق اولدوقلارینی و یئنی ایدئیالاری کشف ائتمک اوچون هیجانلی اولدوقلارینی گؤسترن فاکتلار وار.

کمدییایا اوستونلوک وئرن تاماشاچیلار یوکسک انرژی و هوسلری ایله فرقلنیرلر. همچنین معلوم اولوب کی، کمدییا هوسکارلاری یئنی تجربه‌لره آچیقدیرلار و دیگرلری ایله مقایسه‌ده داها یوکسک یارادیجیلیق سوییه‌سینه مالکدیرلر.

متخصصلر کمدییایا باخماغین استرس هرمونلارینی آزالتدیغینی وورغولاییبلار.