بو گون آذربایجان تئاتر صنعتینین عوض اولونماز آکتریساسی، خالق آرتیستی حکومه قربانووانین دوغوم گونودور.

Kult.az بو مناسیبتله آکتریسا حاقیندا ماراقلی فاکتلاری تقدیم ائدیر.

حکومه قربانووا باکی‌دا تاجر عباسعلی قربانوو و ملیکت ماقومایئوانین عائله‌سینده دونیایا گؤز آچیب. ملیکت خانیم تانینمیش بسته‌کار مسلم ماقومایئوین دوغما باجی‌سی ایدی.

آذربایجان‌دا سووئت حاکمیتی قورولدوقدان سونرا بولشویکلر حکومه‌نین آتاسیندان خانمی ملیکت اوچون تیکدیردیی ایکی مرتبه‌لی مولکو اونون الین‌دن آلیر و اونلارا یاشاماق اوچون ائله همین ائوده ایکی اوتاقلی منزیل وئریرلر. بو حادثه‌دن سونرا حکومه‌نین آتاسینین اوریی پارتلاییر.

عائله‌نین چتین گونلری باشلاییر. حکومه اوغلان پالتاری گئیینیب ائولرینین یاخینلیغینداکی بقالین ماغازاسینا چوواللارلا یوک داشیییر.

۲۳ یاشی اولاندا حکومه خانیمین فوتوسو جعفر جبارلینین دقتینی جلب ائدیر و اونو آختاریب تاپاراق «آلماز» فیلمینده یاخشی رولونا چکیر. آنجاق فیلم اکرانلارا ادیبین اؤلوموندن سونرا، ۱۹۳۶-جی ایلده بوراخیلیر.

۱۹۳۸-جی ایلده‌ن عمرونون سونونادک ملی درام تئاترینین عوض اولونماز آکتریساسی کیمی شهرتلنیب. او، ۱۹۴۰-جی ایللردن تئاتردا اساس روللارین ایفاچی‌سینا چئوریلیب.

ایلک حیات یولداشی علسگر علی اکبروولا قونشو اولوبلار. ۱۹۳۳-جو ایلده عائله قورورلار. ناعله آدلی بیر قیزلاری دوغولور. بیر نئچه ایلدن سونرا ایسه جوتلوک قیسقانجلیق سببی ایله آیریلیر.

بیر مدت سونرا آکتریسا تئاتر رسامی نصرت فتوللایئوله عائله حیاتی قورور و بو ائولیلیکدن اونلارین وفا آدلی قیزلاری دونیایا گلیر. سونرالار وفا فتوللایئوا دا ماراقلی و یادداقالان آکتریسالاردان بیرینه چئوریلیر.

اما ایکینجی ائولیلیینین عمرو ده اوزون سورمور. ایکینجی دفعه بوشانان او، اؤزوندن ۱۷ یاش کیچیک اولان آکتیور گوندوز عباسوولا بؤیوک بیر محبت یاشاییر. گوندوز عباسوو "تلفون‌چو قیز" فیلمینده مهربانین آتاسی، "بیر قالانین سری" فیلمینده ائلشن، "اونون بؤیوک اوریی" فیلمینده رجب کیمی اوبرازلارا امضاسینی آتیب.

خالق آرتیستی، عالی سوئتین میلت وکیلی اولان حکومه قربانووا اوزون ایللر ایکی اوتاق‌لی تعمیرسیز منزیلده یاشاییب.

آکتریسا قیزی وفا فتوللایئوانی صنعتینین داوامچی‌سی کیمی گؤروب. کورکه‌نی قیزینین آکتریسالیق ائتمه‌سینه هئچ جور راضی اولا بیلمیردی. چوخ کئچمیر کی، بو سبب‌دن اونلار آیریلیرلار ، حتی آناسی وفانین حامیللیینه سون وئردیریر. وفا فتوللایئوانین ایکینجی بؤیوک محبتی اؤز همکاری فواد پولادوو اولور. اما دئییله‌نلره گؤره بو دفعه ده وفانی پولادوودان آییران حکومه خانم اولور.

عمرونون سون گونلرینه کیمی آکادمیک ملی درام تئاتریندا بیر-بیریندن عوضسیز اوبرازلار یارادان حکومه خانیم یاشینین آهیل چاغیندا اولاد ایتکی‌سی یاشاییر. آکتریسانین قیزی وفا فتوللایئوا ۴۲ یاشیندا ساغالماز قان خسته‌لییندن وفات ائدیر. اونون فاجیعوی و واختسیز اؤلوموندن جمعی بیر ایل سونرا ۱۹۸۸-جی ایل نیابر آیینین ۲-ده اؤزو ده باکی‌دا وفات ائدیر. آکتریسا فخری خیاباندا دفن اولونوب.