آذربایجانین مشهور «دؤنگه» روک گروپو مرحوم خواننده خان شوشینسکینین رپرتوارینا مراجعت ائدیب. گروپ «قاراباغ شیکسته‌سی» خالق ماهنی‌سینی یئنی وئرسییادا ایفا ائد‌رک، دینلییجیلره تقدیم ائدیب.

Kult.az-این خبرینه گؤره، ایلک دفعه روک ژانرین‌دا ایفا ائدیله‌ن ، "قاراباغ شیکسته‌سی"نه کلیپ ده چکدیریب.

اثرین یازیلما پروسسی گروپا مخصوص ایستودیادا باش توتوب.

رژیسورو فرهاد مممدلی اولان کلیپین چکیلیشلری ایسه ایکی گون عرضین‌ده حیاتا کئچیریلیب.

قئید ائدک کی، کلیپ‌ده روک گروپو ایله یاناشی ۱۱ یاش‌لی خواننده مراد نبی‌زاده ده رول آلیب. او، خالق ماهنی‌سینین مصراعلاریندان بیرینی ایفا ائدیب.

کلیپین سوژئتی گنج خاننده روک موسیقی‌سینه اولان سئوگی‌سیندن و "دؤنگه" گروپونون یارادیجیلیغیندان بحث ائدیر. م. نبی‌زاده کیچیک یاشلارین‌دان موغام مکتبینده تحصیل آلماسینا باخمایاراق، روک موسیقی‌سینه خاص اولان روح آزادلیغینی اؤزون‌ده آشیلاییب. قروپون قارشی‌دان گلن کونسئرتین‌دن تصادفاً خبر توتان مراد صحنه‌نی اونلارلا بؤلوشمک ایستدیینی ایفاده ائدیب.

یئنی کلیپه گلینجه، گروپون سولیستلری نرمین بهبودووا و فرید مممدوو لاییحه ایله آذربایجانین شانلی کئچمیشی ایله بو گونو آراسیندا دینامیک کؤرپو قورماغا چالیشدیقلارینی قید ائدیبلر.