بو گون ۱۰۰۳ خوجالی اسیرینی ارمنیلرین الین‌دن خلاص ائد‌ن افسانوی کوماندیر آللاهوئردی باقرووون آنیم گونودور.

Kult.az آذربایجانین ملی قهرمانی آللاهوئردی باقروو حاقین‌دا ماراق‌لی فاکتلاری تقدیم ائدیر.

باغیروو آللاهوئردی تیمور اوغلو ۲۲ آپرئل ۱۹۴۶-جی ایلده آغدام‌دا آنادان اولوب.

او، اورتا تحصیلینی آغدام شهر ۱ سایلی مکتب‌ده آلیب. کیچیک یاشلاریندان ایدمانا، خصوصاً ده فوتبولا، یونگول آتلئیکا و وولیبولا بؤیوک هوسی اولوب. آللاهوئردی باقرووون مکتب ایللرینده و سونراکی واختلاردا ایدمانین مختلیف نوع‌لرینده کئچیریلن یاریشلاردا آغدام کومانداسینین غلبه قازانماسیندا بؤیوک رولو اولوب.

یئددی باجیدان سونرا دونیایا گلن ایلک اوغول اؤولادی اولان آللاهوئردی "قاراباغ" آغدام فوتبول کلوبونون یاددا قالان عضولریندندیر. ۱۹۷۶-جی ایلده کئچیریلمیش عموم اتفاق بیرینجیلیینده آذربایجانین دؤردونجو یئر توتماسیندا بؤیوک امیی اولور.

او، گنج یاشلاریندان چوخ جسارتلی، قورخماز، سؤزوبوتؤو و حاقسیزلیغا دؤزمه‌یه‌ن آدام ایدی. اونا گؤره ده، "داواکار» آدی دا قازانمیشدی.

قاراباغ محاربه‌سی باشلایاندا ایلک یارادیلان باتالیونلاردان بیرینه- وطن اوغوللاری باتالیونونا آللاهوئردی باقروو رهبرلیک ائدیر. آغدام اهالی‌سی طرفیندن گؤستریلن مادی یاردیم و اؤز شخصی وسایتی ایله قاراباغ کندلرینده یارادیلمیش کیچیک اؤزونو مدافعه دسته‌لرینه یاخیندان کمک‌لیک ائدیر. آغدام رایونو اراضی‌سین‌ده گئدن بوتون دؤیوشلرده مردلیکله ووروشور.

او، خوجالی سویقیریمی زمانی هلاک اولانلارین میتلرینین دؤیوش میدانیندان چیخاریلماسیندا و آذربایجانلی اسیرلرین ارمنی اشغالچی عسگرلرین میتلری و اسیرلری ایله دییشدیریله‌رک آزاد ائدیلمه‌سینده بؤیوک خدمتی اولوب. همین عملیاتلار کئچیریلن زمان آغدام رایونو ۳۰۰ نفر شهید وئریر. باقروو ارمنی پولکوونیک ویتالی بالاسیان واسطه‌سیله اوچ گون عرضینده ۱۰۰۳ خوجالی اسیرینی ارمنیلرین الین‌دن خلاص ائدیر، آغدامین قاراغاجی قبریستانلیغین‌دا آذربایجان اسیرلرینی تحویل آلیر.

محض آللاهوئردی باقرووون ارمنی کومان‌یر ویتالی بالاسانیانلا آپاردیغی دانیشیقلار نتیجه‌سینده حربی اوپراتور سیداغا موسوم‌لو و چینگیز مصطفی‌یئوین خوجالی حادثه‌لرینین معلوم گؤرونتولرینی لنته آلماسی ممکن اولور.

ان بؤیوک حربی اوغورو ۱۹۹۲-جی ایل ۱۲ ایون‌دا آران زمین، ناخچیوانلی کندی دؤیوشلرینده اولور. او زمان ناخچیوانلی کندینده اشغالچیلارین بوتون جان‌لی قوه‌سی و تکنیکاسی دارماداغین ائدیلیر، دؤیوشچولر عسگران قالاسینا قدر ایرلیلییر، پیرجمال کندینده‌کی بوتون یوکسکلیکلر توتولور، کتوک کندی ایله اوزبوز مؤقع قورولور.

قید ائدک کی، بو دؤیوشدن آغداما قاییدان آللاهوئردی باقروو مینایا دوشه‌رک شهید اولور. عائله‌لی ایدی، بیر اوغلو ایکی قیزی وار.