بیرینین ضعیف نقطه‌سی باره‌ده دانیشان‌دا «آخیلس دابانی» ایفاده‌سی ایشلدیلیر. نیه آخیلس، نیه محض دابان؟ آخی دابان اینسانین ان دؤزوم‌لو بده‌ن عضوودور، بوتون یوکو او چکیر دئسک، یئری وار.

Kult.az «بئله یارانیب» روبریکاسین‌دا داها بیر مشهور دئییمین منشیی باره‌ده معلومات وئریر.

بو ایفاده یونان افسانه‌لریندن قایناقلانیر.

افسانه‌یه گؤره، دنیز ایاهه‌سی اوغلو آخیلسین گوجلو و اؤلومسوز اولماسی اوچون آناسی اونو ایستیکس چایینین مقدس سولاریندا چیمیزدیریر. بو چایا اینسانا اؤلومسوزلوک وئرهن سهیرلی کؤپوک‌لو سو یوز ایلده بیر دفعه گلیرمیش (بنزر موتیوه کوروغلو داستانینین اولینده ده راست گلینیر). کؤرپه‌سینین اؤلومسوزلوک قازانماسی اوچون اونو دابانیندان توتوب باشی اوسته سویا سالیر. اوشاغین بیر دابانین‌دان باشقا هر یئری ایسلانیر. اوخ باتماز، قیلینج کسمز دؤیوشچو آخیلسین بدنین‌ده تک بیر ضعیف نقطه اولور - دابانی. گنجلیینده الاهه‌لردن بیری اونون یالنیز دابانیندان دیه‌ن زهرلی اوخلا اؤلدوروله بیلجیی باره‌ده خبردارلیق ائدیر.

ترویا محاربه‌سینده آخیلس دابانیندان دیمیش زهرلی اوخ نتیجه‌سینده هلاک اولور.

او گوندن سونرا بدیعی ادبیات‌دا "آخیلس دابانی" کیمی بیر بدیعی ایفاده ایشلدیلیر. بو اینسانین و یا هانسی‌سا دولتین ضعیف، تئز سینان جهتی آنلامینا گلیر.