آذربایجان‌دا قوهوم ائولی‌لییی قانونلا قاداغان ائدیلیر. مین ایللردیر قان یادداشیمیزدا اؤزونه یئر ائلمیش «عمی اوغلو ایله عمی قیزینین نیکاحی گؤیده ملکلر طرفیندن کسیلیب» دئییمی داها تاریخه قوووشاجاق. بس بو ایفاده نئجه و نیه یارانیب؟

Kult.az « بئله یارانیب» روبریکاسین‌دا بو ایفادنین تاریخچه‌سی باره‌ده معلومات وئریر.

اسلام شریعتینده اساس گؤتورولن مثال اؤز گوجونو ایلک انسانلارین یارانماسی، آد‌م و حوانین اولادلارینین نسیللرینین نئجه آرتیب چوخالماسی باره‌ده میفلردن گؤتورور.

یئر اوزونده آد‌م و حوادان باشقا اینسان یوخ ایدی. بس اونلارین نسیللری نئجه چوخالدی؟

افسانه‌لردن بیرینده دئییلیر کی، الله آد‌مین اوغوللارینین ائوله‌نمه‌سی اوچون گؤیدن ایکی قیز گؤندردی. (بو وئرسییا باجی-قارداشلارین بیر-بیری ایله ائوله‌نه‌رک چوخالما باره‌ده چیرکین احتیماللاری یوخ ائدیر) اونلاردان دوغولان اوشاقلار بیر-بیرلری ایله ائوله‌نه‌رک چوخالماغا باشلادی. بئله‌جه اینسان نسلی عمی اوغلو و عمی قیزلارینین نیکاحی نتیجه‌سینده آرتیب چوخالدی. یئر اوزونده باشقا اینسانلار اولمادیغینا گؤره، گؤیدن گؤندریلن قادین، اونلارین اولادلارینین نیکاحی دا حلال اعلان اولوندو، گؤیده کسیلمیش ساییلدی. طبیعی کی، ان قدیم دؤورلرده نیکاح آنلاییشی یوخ ایدی، بو افسانه‌دن ایر‌لی گله‌رک سونراکی یوزیللیکلرده بئله دئییم یاراندی. قوهوم ائولی‌لیکلری نسلین ثروتینین پایلاشیلماماسی، داغیلماماسی اوچون ده یاخشی واسطه حساب ائدیلدی.

قید ائدک کی، قازاخستان‌دا ۷ نسیل قوهوملوغو اولان اینسانلارین ائولی‌لییی لاپ چوخدان قاداغان ائدیلیب.