یارادیجی‌لیغی بویو ۱۳ مین‌دن چوخ ماهنی سسلندیرن هندیستان‌لی موغه‌ننی آسا بهوسلنین آدی گیننسین رکوردلار کیتابینا سالینیب.

Kult.az-این خبرینه گؤره، ۹۱ یاشلی موغه‌ننی بو گون ده صحنه‌یه چیخیر و گنج قیز سسینی خاطرلادان ملاحت‌لی سسی ایله ایزلییجیلرینی حیران ائدیر.

آشا هیند فیلملرینین بؤیوک اکثریتینده ماهنیلار ایفا ائدیب. بیز اونون سسی ایله «زیتا و گیتا»نی، «سامرات»ی، یوزلرله فیلمی ایزلمیشیک.

خاطرلاداق کی، موغه‌ننی ۱۹۳۳-جو ایلده هندیستان یاریم آداسینین غربین‌ده‌کی کیچیک بیر شهرده آنادان اولوب.

آشا موسیقی‌چی عائله‌سینده بؤیودویو اوچون اوشاقلیق‌دان صنعته ماراق گؤستریب.

۱۹۴۳-جو ایلده «ماژها بال» فیلمی اکرانلارا چیخیب. بو ماهنیلاری آشا طرفیندن ایفا اولونان ایلک فیلم ایدی. موغه‌ننینین اعجازکار سسی هندیستانی بیر گونده فتح ائتدی و او مشهورلاشدی.

او، ۸۰ ایله یاخین‌دیر اوخویور. صنعتچینین لنته آلدیغی ماهنیلارین عمومی سایی ۱۳ مینی اؤتور. بونا گؤره ده اونون آدی «دونیادا ان چوخ سس یازدیرمیش موغه‌ننی» کیمی گیننسین رکوردلار کتابینا سالینیب.