تئز-تئز یاش‌لی نسیل اوزو توکلو گزن، ساققال ساخلایان گنجلره ایرونییا ایله «بو نه ساققال‌دیر ساخلاییرسان، کیمه یاس توتورسان، پیشیین اؤلوب؟» کیمی سواللار وئریرلر. نیه محض پیشیین آدی چکیلیر؟

Kult.az «بئله یارانیب» روبریکاسین‌دا بو مثلین یارانما تاریخچه‌سیندن بحث ائدیر.

قدیم مصرده پیشیکلر مقدس حیوان ساییلیردی. پیشیکلرین اؤلمه‌سی ایسه، بیر عائله اوچون فاجعه حساب اولونور، تانریلارین غضبینه گلمک آنلامی وئریلیردی. بونا گؤره اؤلن پیشیک اوچون یاس ساخلانیردی. یاس ساخلاماق سونرادان مسلمان عالمینده قبول ائدیلدیی کیمی ساققال ساخلاماقلا یوخ، قاشلارینی قیرخماقلا گؤستریلیردی. یاس ۴۰ گون داوام ائدیردی.

«پیشیی اؤلوب، یاس ساخلاییر» ایفاده‌سی بئله‌جه تاریخین ۵ مین ایل اؤنجه‌یه عایید توزلو صحیفه‌لریندن قوپوب سون مینیل‌لییه گلیب. اما ایندی قاشی قیرخیلان یوخ، ساققال اوزادان آداملار باره‌سینده یاری زارافات بیر دئییمه چئوریلیب.