آنا صحیفه کولت |
بو گون خالق آرتیستی، رژیسسور حسن سیدبیلینین آنیم گونودور.
Kult.az بو مناسیبتله اونون حاقیندا ماراقلی فاکتلاری تقدیم ائدیر.
حسن سیدبیلی ۲۲ دکابر، ۱۹۲۰-جی ایلده باکی شهرینده آنادان اولوب. ۱۳۲ سایلی شهر اورتا مکتبینده تحصیل آلیب. "آزربایجانفیلم" کینوستودییاسیندا کینورژیسسور، آذربایجان کینماتوگرافچیلار اتفاقینین کاتیبی و صدری وظیفهسینده ایشلهییب.
عائلهده اوچ قارداش اولوبلار. اونلار هر اوچو اوشاقلیقدان ایدمانا مئیل ائدیبلر. حسن سیدبیلی سونرالار یازیچی، رژیسسور، سسناریست کیمی فعالیت گؤسترمهیه باشلاییب. رژیسسورلوق اونون اؤز سئچیمی اولوب.
«تلفونچو قیز»، «اوزاق ساحللرده»، «جبههدن جبههیه» کیمی نثر اثرلری یازیب. «تلفونچو قیز» و «اوزاق ساحللرده» اکرانلاشدیریلیر. «جبههدن جبههیه» اثریندن «او قیزی تاپین» فیلمینین سسناریسینده قیسما استیفاده اولونوب. دئمک اولار کی، بوتون فیلملرینین سسناریسینی اؤزو یازیب. «بیزیم جبیش معلم» سسناریسینی یازمادیغی یگانه فیلمیدیر. همین فیلمدهکی دیالوگلارین چوخو آکتیور ایمپروویزاسییاسی اوزرینده قورولوب. فیلملرینده بیرگه ایشلهدیی آکتیورلارا سربستلیک وئریب، اونلاری سیخماییب.
اولادلارینی اؤز فیلملرینه چکیب. اوغلو ضیا سیدبیلی «او قیزی تاپین» فیلمینده ایشتیراک ائدیب. سونرالار اولادلارینین هر اوچونو «بیزیم جبیش معلم» فیلمینه چکیب. بونو ایسه اوشاقلاریندان کینودا یادیگار قالماسی اوچون ائدیب.
یاخشی موسیقیلر دینلمهیی، بیلیارد اویناماغی، اووا گئتمهیی و دنیزده اوزمهیی خوشلاییب. «بیتلز» گروپونون ایفا ائتدیی موسیقیلری چوخ سئویب.
۶۰ ایللیک یوبیلئیی اوچون «نظامی» فیلمینی چکمک ایستهییب. اما صحتی پیسلهشدیی اوچون مکتوب یازیب فیلمی چکه بیلمیجهیینی بیلدیریب.
دئییلنه گؤره، «بابک» فیلمینی چکمک ایستهسه ده بو فیلمی اونون الیندن آلیب ائلدار قولیئوه وئریبلر. حتی بو فاکتی اونون اؤلومونو تئزلشدیرهن حال کیمی ده قیمتلندیریرلر.
صنعتده گذشته گئتمهییب. «نسیمی» فیلمینه راثیم بالایئوی چکنده مرکزی کومیتهدن اونا قارشی چیخیبلار. هر کس راثیمین بو فیلمه چکیلمهسینین علیهینه اولوب. اما سیدبیلی قراریندان دؤنمهییب. او قدر اعتراضا باخمایاراق، راثیم «نسیمی» رولونا چکیلیب و فیلم گؤزلهنیلدییندن ده آرتیق اوغور قازانیب.
اؤلومو چوخ آنی باش وئریب. اوتوز ثانییهنین ایچینده دونیاسینی دییشیب. ناهارینی ائدندن سونرا قفیلدن حالی پیسلهشیب. حیات یولداشی اونا اینه وورسا دا وضعیتی دوزلمهییب. بیر-ایکی دفعه محکمدن قیشقیراندان سونرا اوغلو ضیانین قوجاغیندا جان وئریب. اوندا ۱۹۸۰-جی ایل ایونون ۲۵-ی ایدی و حسن سیدبیلینین ۵۹ یاشی واردی.
تاریخ
2024.06.25 / 13:52
|
مولف
اسماعیلووا سوزانا
|