آنا صحیفه کولت |
بو گون خالق شاعری عثمان ساریوللینین آنیم گونودور.
Kult.az بو مناسیبتله شاعرین مشهور «گتیر اوغلوم، گتیر» شعیرینی تقدیم ائدیر.
من کندده دوغولدوم، سنسه شهرده،
سن بئشیکده یاتدین، منسه یهرده.
یاتدیم بوز اوتلاقدا بوز دوشان کیمی...
گؤزوموز دونیایا آچیلان کیمی
من چوماق گؤتوردوم، سن کاغذ، قلم،
چوماق بیر عالمدیر، قلم بیر عالم...
دولاندی سنهلر، دولاندی آیلار،
گاه دوندو، گاه جوشدو، بولاندی چایلار.
زمان حکم ائلدی... بیر غریب آخشام
یولون مسکنیمه دوشدو ناگهان.
سنی اوغول کیمی او یئرده منسیز
باغرینا باسدیمی آنا کندیمیز؟
خوشونا گلدیمی کورون کناری؟
گؤردونمو، گؤردونمو گؤی چینارلاری؟
گؤرورهم، صفالی بیر یاز آخشامی
چینارین دیبینه ییغیشیر هامی.
بو ساز مجلیسیندن اولانلار حالی –
کندین آغساققالی، قاراساققالی
اورایا توپلانیب... سن ده بو آخشام
اوردا، اوشاقلارین آراسینداسان.
اورتادا وقارلا آشیق گزیشیر،
دانیشیر آرابیر، دئییر آرابیر.
بیر قوجا یئریندن سسلنیر بو آن:
– آشیق، بیر ناغیل ده، سسینه قربان!
هامی وجده گلیر... بو مصلحتی
بینیب دییشیر آشیق صحبتی؛
بیر داستان باشلاییر جوشقون هوسله،
مین یئرده خال وورور یانیقلی سسله.
توم هنکس تانینماز حالدا
تئیلور سویفت رکورد قیردی
نرگس - اولوجای آکیفین یئنی حکایهسی
خالقین عظمتی، فکری، خیالی،
اونون حسی، زوقو، آغلی، کمالی
سانما بیر قیلینجدا، بیر هنردهدیر،
اونلار بو سازلاردا، بو سؤزلردهدیر!..
بو گونون قلبینه گیرمک ایستهسهن،
دوردوغون پیللهدن هله بیر آز ائن.
ائن! اوچان آلچالار، ائنن اوجالار!
ائن! یئرین تکینده خزینهلر وار.
دئمه، کهنه سؤزون معناسی ندیر؟
هر سؤز، آنلایانا بیر قرینهدیر!..
هر فکر ملکونده زرین تاج یاتیر،
هر میوه توموندا بیر آغاج یاتیر.
هر کیچیک بایاتی خالقین سسیدیر،
کمال دونیاسینین خزینهسیدیر.
باهار گئجهلری ائنیب ساحله
اوچان لپهلرین سسینی دینله!
گوموش دالغالاردا آی باخان زمان
دوشون، گؤر نه دئییر چای آخان زامان؟
کؤموردن آلماز چک، یارپاقدان ایپک،
داشدان گوهر چیخارت، بولوددان شیمشک.
گتیر ایلدیریمین مغرور سسینی،
قومرو بولاقلارین زومزومهسینی.
زمیلردن سونبول، باغچالاردان بار،
درهلردن وسعت، داغلاردان وقار...
اؤزونله چیچکلی، گوللو یاز گتیر،
بیر آشیق ماهنیسی، بیر ده ساز گتیر!
گتیر، یوللارینا منتظرم من!
گتیر، بو فرصتی وئرمه الیندن!
آنا یوردوموزون نیی وار گتیر –
محبت، صداقت، اعتبار گتیر!..
تاریخ
2024.07.02 / 11:20
|
مولف
اسماعیلووا سوزاننا
|