نیو-یورک‌دا «مای وای» («منیم یولوم») یارادیجی‌لیق انکشافی مرکزی طرفیندن تشکیل ائدیلن ایپک یولو فستیوالی (سیلک رواد فستیوال) کئچیریلیب.

Kult.az خبر وئریر کی، آذربایجان، گرجستان، مغولستان، روسییا، اوکراینا و دیگر اؤلکه‌لردن قاتیلان ۱۷۵ اشتراک‌چی اؤز اؤلکه‌لرینین مدنیتینی تقدیم ائدیبلر.

تدبیرده چیخیش ائد‌ن «مای وای» یارادیجی‌لیق انکشافی مرکزینین رهبری آلیونا بدلووا فستیوال اشتراک‌چیلارینا اوغورلار آرزولاییب.
پئشکار صنعتچیلرین و اوشاقلارین قاتیلدیغی فستیوال‌دا آذربایجانی فریزه دودارووانین رهبرلییی ایله «قفقاز ریتملری» رقص گروپو «یاللی» و «ترکه‌مه» رقصلری ایله تمثیل ائدیب.

قید ائدک کی، نیو-یورک‌دا آرتیق ۵-جی ایلدیر کی، تشکیل اولونان فستیوال ایپک یولو مارشروتونا داخیل اولان اؤلکه‌لرین مدنیتینی نماییش ائتدیریر.