دیللر ازبری اولان بو ماهنی بیر زامانلار تورپاقلاریمیزی منیم‌سه‌مک ایسته‌یه‌ن، لاکین باجارمایان ارمنی سپارات‌چیلاری طرفیندن اؤزللشدیریلمه‌یه باشلانیلیب.

هر زمان ارمنی واندالیزمینین هجومونا معروض قالان آذربایجان اینجه‌صنعت نمونه‌لرینین اصیل مؤلفلری ثبوت اولوندوغو کیمی بو ماهنینین دا ۱۹۷۲-جی ایلین ۲ ایون تاریخین‌ده عقلی مولکیت آگنتلیین‌ده قیدیاتا آلیندیغی و آذربایجان موسیقی‌سی اولدوغو ثبوت اولوناجاق.

Kult.az ایلک دفعه ۱۹۷۲-جی ایلده عاریف بابایئوین ایفاسیندا ائشیدیله‌ن، معاصر دورده غالب خالقین هیمنینه چئوریله‌ن «قاراباغ» اثرینین یارانما تاریخیندن دانیشاجاق.

بو ماهنینی ایلک دفعه ۱۹۷۲-جی ایلده عاریف بابایئوین ایفاسیندا ائشیتمیشیک. اوندان سونرا چوخ موغه‌ننیلر بو ماهنینی اوخوسا دا، «قاراباغ» دئییلنده عاریف بابایئو، عاریف بابایئو دئییلنده ایسه «قاراباغ» اثری عقلا گلیر.

اما بوردا دقت چکه‌ن بیر مقام وار. «قاراباغ» اثرینی ایلک دفعه عاریف بابایئو یوخ باشقاسی ایفا ائدیب. ماهنینین سؤزلری رفیق زکا خندانا عاییددیر. بسته‌سی ایسه بهرام نصیبووا. او، بو ماهنینی ایلک دفعه یاشادیغی یاتاقخانانین دهلیزینده ایفا ائدیب. عالی تحصیلله باغلی دیپلومو اولمادیغینا گؤره حاقسیز هجوملارا معروض قالمیش بهرام نصیبوو بو گون حاقیندا بحث ائدجییمیز "قاراباغ" ماهنی‌سینین مؤلفی‌دیر. «قاراباغ" ماهنی‌سی ۱۹۶۸-جی ایلده یازیلیب. یاتاقخانانین دهلیزینده اونو دینله‌یه‌نلردن بیری ده بینانین ارمنی اصیل‌لی کومندانتی اولوب. کومندانت بهرام نصیبووا یاخینلاشیب، ماهنینین سؤزلرینه ارمنی میلت وکیلرینین آدینی یازماسینی دئییب. بهرام راضیلاشمیر و بونا گؤره ده کومندانت اونو یاتاقخانادان قووور.

ائوسیز قالان بهرام تصادفه‌ن عاریف بابایئوله بیرلیکده کرایه منزیل توتوب، یاشاماغا باشلاییر.

آریف بابایئوله بیرگه یاشایان بهرام نصیبوو «قاراباغ» اثرینی اونون اوخوماسینی تکلیف ائدیب.

بیر نئچه ایل سونرا عاریف بابایئو گاسترول سفرینده بو ماهنینی ایفا ائدیر و ماهنی افیرده سس‌لنن کیمی مشهورلاشیر.

تاسف ائدیجی مقام ایسه افیرده بهرام نصیبووون ماهنیلارینین سسله‌نمه‌سینه و بو ماهنیلارین بؤیوک شهرت الده ائتمه‌سینه باخمایاراق، هئچ یئرده اونون آدینین قید ائدیلمه‌مه‌سی‌دیر. زمانه بئله ایدی. دیپلوم‌سوز بسته‌کار حاقین‌دا یازماق اولمازمیش.

سونرا "قاراباغ" ماهنی‌سینین یئنی ایفاچیلاری میدانا چیخماغا باشلاییر - یاقوت عبداللایئوا، آیگون بیلر، طیار بایراموو، صبوحی ایبایئو، النور زینالوو، قوچاق عسگروو، منصوم ایبراهیموو، نزاکت تیمورووا، آیگون بایرامووا و سایر..

دیلدن-دیله دولاشاراق گلن، «قاراباغ» ماهنی‌سی ایفا ائد‌ن هر بیر موغه‌ننینین تک آرزوسو وار ایدی. بو ماهنینی دوغما قاراباغ تورپاغیندا، جیدیر دوزونده ایفا ائتمک.

ائله ده اولدو. ۴۴ گونلوک ظفر محاربه‌سیندن سونرا «قاراباغ» ماهنی‌سی عالبیت صدالارییلا دوغما قاراباغ تورپاقلاریندا ظفر مارشی کیمی هر گون سس‌لنیر.