دونیا ادبیاتین‌دا مینلرله ماراق‌لی و گوجلو قادین اوبرازلاری وار.

Kult.az دونیا ادبیاتین‌دا ان گوج‌لو ۱۰ قادین کاراکتری باره‌ده معلومات وئریر.

دوما «کاملییالی خام» مارکاریتا کاوتیه

آلکساندر دومانین رومانین‌داکی مارگاریت گاوتیه‌نین پروتوتیپی یازیچینین سئوگیلیسی اولان مشهور فرانسیز کورتیزانکا ماری دوپلسیس ایدی.

اخلاق‌سیز اولسا بئله کیشیلردن پول قوپاریب، جمعیتین ان اوست طبقه‌سینه چیخان بیر قادینین حیات حکایه‌سی‌دیر بو رومان.

میخایل بولگاکوو – «اوستاد و مارگاریتا» مارگاریتا اوبرازی

مارگاریتا ان سیرلی ادبی قهرمانلاردان بیریدیر. بو، حقیقتاً دریندن سئومیی بیله‌ن گوجلو و جسارت‌لی بیر قادیندیر.مؤلف مارگاریتا حاقین‌دا "او، گؤزل و عقل‌لی ایدی" دئییر. "بونا داها بیر شئی علاوه ائتمک لازیم‌دیر - امین‌لیکله دئیه بیلریک کی، بیر چوخ قادین اؤز حیاتلارینی مارگاریتا نیکولایونانین حیاتی اوچون دییشدیرمک اوچون هر شئیی وئره‌جکدیر."

رومانین اساس حادثه‌لری باش وئرن زامان مارگاریتانین ۳۰ یاشی وار ایدی. اونون اوبرازینین یارادیلماسین‌دا هم ادبی منبع‌لرین، هم ده رئال قادینلارین تأثیری اولوب.

فیودور دوستویوسکی- «ایدیوت» آناستاسیا فیلیپپوونا

دوستویوسکینین رومانینین اساس پرسوناژلاریندان بیری آناستاسیا فیلیپپوونا گؤزل، مغرور و نجیب قادین ایدی. و عینی زامان‌دا، تمامیله دلی.قهرمانین پروتوتیپینین یازیچینین سئویم‌لی آپوللیناریا پروکوفیئونا سوسلووا اولدوغو گمان ائدیلیر.

رشاد نوری گونتکینین « چالیقوشو» رومانین‌دا فریده

فریده اوبرازی سئوگییه صداقتین، معصوملوغون، مغرورلوغون، تمیزلیین سیموولودور. اثر فریده‌نین بوتون حیاتی فونوندا ۱۹-جو عصر تورکییه‌سینین رئال‌لیقلاریندان بحث ائدیر.

ویکتور هوگو – «پاریس نوتر دام کیلسه‌سی» اسمرال‌دا

بیر-بیرین‌دن چوخ فرق‌لی اوچ کیشینین قلبینی فتح ائد‌ن بیر فرانسیز رومانین‌دان گنج قاراچی قادینین کدرلی حکایه‌سی دفعه‌لرله تئاتر صحنه‌لرینده و کینو اکرانلاریندا تجسم اولوندو. یازیچی قهرمانینی بیر قدر تفرعاتی ایله تصویر ائدیر - یقین کی، هئچ کیمین شبهه‌سی اولماسین: بو غیری-عادی قیز اونون اطرافیندا آلوولانان احتیراسلارا لاییقدیر.