دورونون ان بؤیوک اونیورسیتت کومپلکسی اولان، چین، هیندیستان و باشقا اؤلکه‌لردن مینلرله طلبه‌نین اوخودوغو چوخ دیل‌لی تبریزین ۷۰۰ ایللیک تاریخی عابده‌سی «ربع رشیدی» تمامیله یوخ اولماق اوزره‌دیر.

Kult.az خبر وئریر کی، بو باره‌ده "ایلنا" خبر آگنت‌لییی خبردارلیق ائدیب.

"یاغیش، سئل و زلزله‌لر کیمی طبیعی حادثه‌لرله یاناشی، تالعین اومیدینه بوراخیلان «ربع رشیدی» تاریخی عایده‌سنینین ماتریاللارینین شخصی منزیللرین تیکینتی‌سی اوچون یاغمالانماسی بو نادر معمارلیق و تاریخی اثرین تمامیله محو اولماسینا سبب اولور"،- معلومات‌دا بیلدیریلیب.

"ایلنا" ایران پرزیدنتی مسعود پزشکیانین بیر مدت اول تاریخی اثرلرله باغلی کئچیریلن تدبیرده مینلرله عابده آراسیندا یالنیز «ربع رشیدی «کمپلکسینین آدینی چکدیینی خاطرلادیب:

"پرزیدنت، ۷۵۰ ایل اول رشیدالدین فضل‌اللاه همدانینین امری ایله تبریز شهرینده تیکیلمیش «ربع رشیدی» عابده‌سینین آدینی چکه‌رک بورادا او دؤورده دنیانین یئددی دیلینده طلبه‌لره تحصیل وئریلدیینی قید ائتمه‌سینه باخمایاراق، عابده علاقه‌دار دولت قوروملارینین مسئولیت‌سیزلییی اوجباتیندان بوتونلوکله یئر اوزوندن سیلینمک تهلوکه‌سی ایله اوز-اوزه قالیب"،- آگنت‌لیک تاریخی اونیورسیتت کومپلکسینه لاقید مناسبتی تنقید ائدیب.

بیلدیریلیب کی، تاریخی عابدنین برپا ایشلرینین ایلکین مرحله‌سینین آپاریلماسی اوچون نظرده توتولان ۱۰ میلیارد تومن (ایندیکی مزه‌ننه ایله تخمیناً ۱۰۰ مین دلار) وسایت ۷ ایلدیر وئریلمه‌ییب.

قید ائدک کی، ایلخانی حکمداری قازان خانین حاکمیتی ایللرینده وزیری فضل اللاه رشیدالدین طرفیندن انشاه ائتدیریلن و داخیلینده بیر سیرا تحصیل، مدنیت، عبادت و طب مرکزلرینین اولدوغو یاشاییش کومپلکسی، تبریزین شمال-شرقین‌ده یئرلشن «ربعi رشیدی»-ده ۳۰ مین ائو اولوب.

بعضی منبع‌لره گؤره بورادا ۲۴ کروانسارا، ۱۵۰۰ دکان، اوچ‌مرتبه‌لی کاروانسارالار، مسجید، بازار، حمام، ضربخانا، ۷ مین طلبه‌سی و یوزلرله معلمی اولان تدریس موسسه‌سی فعالیت گؤستریب.

حماملار، کاغذ استحصال ائد‌ن کارخانا، بویاقچی اعمالاتخانالاری، خیابانلار، سکه‌خانا، باغلار، دییرمانلار، رسام و خطاتلارین فعالیت گؤستردیی اعمالاتخانالار رشیدیه‌نین چوخ‌فونکسییالی شهرجیک اولدوغونا دلالت ائدیر.

آنجاق «ربع رشیدینی»ین چیچکله‌نمه‌سی اوزون چکمیب و ۱۳۱۸-جی ایلده باش وزیر فضل‌اللاه رشیدالدین اعدام ائدیلدیکدن بیر مدت سونرا غضبلنمیش کوتله ۱۳۳۶ -جی ایلده شهرجیی تالان و ویران ائدیب و بئله‌لیکله ده «ربع رشیدی «سقوط ائدیب.

حاضردا اونون قالیقلاری، دیامتری بیر نئچه متر اولان داغیدیلمیش یاریمچیق سوتونلاری تبریزین ان اهمیت‌لی تاریخی عابده‌لری سیراسین‌دا اولماسینا، ۱۹۷۵-جی ایل دکابرین ۱-ده ۹۴۳ نمره‌سی ایله ایران ملی اثرلر سیاهی‌سینا سالینماسینا باخمایاراق، عابده‌نین برپاسی و قورونماسی اوچون تدبیر گؤرولمه‌ییب.