روسیانین ناتو و آوروپا بیرلییی اؤلکه‌لرینه قارشی تجاوزو زمان مسئله‌سیدیر.

Axar.az خبر وئریر کی، بونو اوکراینانین کئچمیش خاریجی ایشلر ناظری دمیتری کولئبا دئییب.

«کرملین رهبری ولادیمیر پوتینین کفایت قدر راکتلری وار، او، انسان ایتکیلریندن ناراحات اولمور. نیه ده آوروپانی تست ائتمه‌سین کی، ۲۰ ایلدیر دئدیکلرینی ثبوت ائتسین؟ اونون مئساژی کفایت قدر آیدین ایدی. اونون مقصدی هانسی‌سا آوروپا بیرلییی اؤلکه‌سینی اؤزونه تابع ائتدیرمک یوخ، آوروپا بیرلییی و ناتو-نون ملتلره و وطنداشلارا وئردیی تهلوکه‌سیزلیک، رفاه و قارشی‌لیقلی مدافعه ایله باغلی وعدلرین اساس‌سیز اولدوغونو گؤسترمکدیر»، – کولئبا بیلدیریب.

اونون سؤزلرینه گؤره، آوروپا بیرلیییده روسیا طرفیندن ممکن هجوما دیگرلریندن داها حاضرلیق‌لی اولان اؤلکه‌لر وار، ائله دولتلر ده موجوددور کی، بونا عمومیتله حاضر دئییللر:

«بورادا اساس مسئله بیرلیک‌دیر. پوتین کوادرات کیلومتری دئییل، بیرلیین اؤز کونسپسیاسینی شبهه آلتینا آلماسینا چالیشیر».