روسیا فدرال تهلوکه‌سیزلیک خدمتی (فتخ)، روسیا داخلی ایشلر ناظرلییی و روسیا ملی گواردیاسی ایله امکداشلیق چرچیوه‌سینده اؤلکه‌نین ۵۳ بؤلگه‌سینده ۱۶۹ گیزلی سلاح اوستاسینین فعالیتینی دایاندیریب.

Axar.az خبر وئریر کی، بو باره‌ده ف.ت.خ-نین اجتماعیتله علاقه‌لر مرکزی معلومات یاییب.

معلوماتا گؤره، ۲۰۲۵-جی ایلین اوکتیابر-نیابر آیلارین‌دا مسکوا، سانکت-پطربورگ و سواستوپول شهرلرینده، ائلجه ده «دانتسک» و «لوگانسک»ده قانون‌سوز سلاح اوستالارینین عنوانلارین‌دا عملیات-آختاریش تدبیرلری و استنتاق حرکتلری آپاریلیب:

«نتیجه‌ده قانون‌سوز دورییه‌دن ۳۷۸ عدد یئرلی و خاریجی استحصال‌لی اودلو سلاح: ۹ پولمیوت، ۸۱ آوتومات، ۲۷ تاپانچا-آوتومات، ۸۸ تاپانچا و رئوولور، ۱۷۳ تفنگ، کارابین و او تفنگی، ائلجه ده ۳۲ قومباراآتان، ۹۴ تانک علیه‌ینه، پیادا علیهینه و میناآتان مینالار، ۷ آرتیلرییا مرمیسی، ۱۱ الکتریک دتوناتورو، ۷۰۳ قومبارا، ۵۲ کیلوگرام‌دان چوخ پارتلاییجی ماده (تروتیل و باریت)، ۲۲۳ مین‌دن چوخ مختلف کالیبرلی پاترون آشکارلانیب. سلاحلاری مدرنلشدیره‌ن و سورسات استحصال ائد‌ن ۴۴ یئرآلتی ائمالاتخانانین فعالیتی دایاندیریلیب».