آمریکا حکومتینین گ۷-نین روسیا، آمریکا، چین، هیندیستان و یاپونیادان عبارت گ۵ ایله عوض ائدیلمه‌سی تکلیفی نه پوتینه هدیه، نه ده ترامپ طرفین‌دن آمریکا ماراقلاریندان امتنادیر.

Axar.az خبر وئریر کی، بونو روسیالی پولیتولوگ آلکسی ناوموو دئییب.

«بو، ماهیت اعتباریله بیر ایدئالیست دوشونجه پارادیقماسینین دیگری ایله - رئالیست دوشونجه پارادیقماسی ایله اوزله‌نمه‌سیدیر. اوزون مدت بوتون پروبلملرین آمریکا و آوروپا بیرلیییی طرفیندن صلح یولو ایله حل ائدیلن بیر دنیادا اولا بیلرسینیز، اما رئال‌لیق گئج-تئز بو چهرایی منظره‌نی پوزاجاق. دونالد ترامپ حساب ائدیر کی، آمریکا آرتیق دنیانی یالنیز اؤز نفوذو، قطیعت‌لی سؤزلری و آرخا فوندا طیاره‌داشییان گمیلرینه گؤره یومشاق گوجو ایله اداره ائتمک اقتداریندا دئییل: ایندی بین‌الخالق مناسبتلرین دیگر اشتراکچیلاری ایله بیرلیکده ماراقلار، تهلوکه‌سیزلیک، تأثیر زونالاری و رسورسلار باره‌ده دانیشیقلار آپارمالیدیر. آرتیق ماراقلارینیزی بوتون بشریتین ماراقلاری کیمی ماسکالاماق ممکن اولمایاجاق. ترامپ دوشونور کی، یئنی نورمانین تانینماسی آمریکا اؤز ماراقلارینی داها یاخشی مدافعه ائتمه‌یه امکان وئره‌جک. اینانیرام کی، بوتون اشتراکچیلار طرفیندن فوندامنتال ماراقلارین آچیق شکیلده معین ائدیلمه‌سی عمومی سیستمی داها دوروست و باشادوشولن ائد‌جک»، - او بیلدیریب.