آمریکا دولت دپارتامنتی ایران هوا مکانینین قسما یئنیدن آچیلماسیندان سونرا آمریکا وطنداشلارینا او اؤلکه‌نی ترک ائتمه‌یی توصیه ائدیب.

Axar.az خبر وئریر کی، بو باره‌ده آمریکا دولت دپارتامنتینین رسمی سایتیندا معلومات وئریلیب.

"۲۱ آپرل تاریخیندن اعتباراً ایران هوا مکانی قسما یئنیدن آچیلیب. آمریکا وطنداشلاری ایرانی ایندی ترک ائتمه‌لی، آکتوال اینفورماسیا آلماق اوچون یئرلی مطبوعاتی ایزله‌مه‌لی و ایراندان حیاتا کئچیریله‌ن اوچوشلارلا باغلی علاوه معلومات اوچون کومرسیا داشییجیلاری ایله علاقه ساخلامالیدیرلار. ایرانی ترک ائتمه‌یه چالیشان آمریکا وطنداشلاری بونو ارمنیستان، آذربایجان، تورکیه و تورکمنیستان واسطه‌سیله قورو یولو ایله ده ائده بیلرلر"، - دئیه معلوماتدا بیلدیریلیب.

دولت دپارتامنتی همچنین آمریکا وطنداشلارینا افغانیستان، عراق و پاکیستانین ایرانلا هم‌سرحد اولان اراضیلرینه سیاحت ائتمه‌میی توصیه ائدیب.

ایرانی ترک ائده بیلمه‌یه‌ن آمریکا وطنداشلارینا نوبتی خبردارلیغادک یاشاییش یئرلرینده - ائولرینده، هتللرده و یا دیگر بنالاردا قالمالاری، ائلجه ده پنجره‌لردن اوزاق دورمالاری توصیه اولونوب.

داها اول بیلدیریلدیینه گؤره، تهران دا داخل اولماقلا، ایرانین آلتی هوا لیمانیندا هوا نقلیاتینین فعالیتی قسما برپا اولونوب. آپرلین ۱۸-ده ایران هوا مکانینین قسما آچیلماسی اعلان ائدیلدیکدن سونرا ایلک سرنشین طیاره‌سی عماندان ایرانا یولا دوشوب