اسرائیلین باش ناظیری بنیامین نتانیاهو ائرکه‌ن مرحله‌ده بدخاصه‌لی پروستات شیشینین چیخاریلماسی اوچون اوغورلو عملیات کئچیریب.

Axar.az خبر وئریر کی، او، معالجه‌سینینین نتیجه‌سی باره‌ده معلوماتی اؤزو سوسیال مدیادا آچیقلاییب.

سیاستچینین سؤزلرینه گؤره، خرچنگ تخمیناً بیر ایل یاریم اول خوش‌خاصه‌لی پروستات شیشینین چیخاریلماسی اوچون عملیاتدان سونرا آپاریلان عادی طبی معاینه زمانی آشکار ائدیلیب.

معاینه زمانی حکیملر "اؤلچوسو بیر سانتیمتردن کیچیک بیر لکه" آشکار ائدیبلر و بو لکه، دئمک اولار کی، درحال چیخاریلیب و "پروبلمی آرادان قالدیریب و هئچ بیر ایز قویماییب»، - نتانیاهو امین ائدیب.

او، علاوه ائدیب کی، حاضردا اعلا فیزیکی وضعیتده‌دیر.

"پروستات وزیمله باغلی کیچیک بیر طبی پروبلمیم وار ایدی و او، تمامیله ساغالدی. اللها شوکور کی، آرتیق گئریده قالیب. پوتنسیال تهلوکه باره‌ده واختیندا معلوماتلاندیریلدیغیم زمان درحال حل اولونماسینی ایسته‌ییرم. بو، هم ملی، هم ده شخصی سوییه‌ده دوغرودور"، - دئیه اسرائیلین باش ناظیری بیلدیریب.

باش ناظیر اعتراف ائدیب کی، ایرانلا محاربه‌نین اورتاسیندا طبی حساباتین درج اولونماسینین قارشی‌سینی آلماق و تهرانا "اسرائیله قارشی داها دا یالان تبلیغات" یایماق اوچون بهانه وئرمه‌مکدن اؤترو طبی حساباتین درج اولونماسینین تاخیره سالینماسینی خواهش ائدیب.