آپرلین ۲۵-ده رومینیادا بریتانیایا مخصوص «یوروفایتر تیپهاون» قیریجیلاری هوایا قالدیریلیب. بو، روسیانین اوکراینایا قارشی کوتلوی هوا هجومو زمانی، روس پیلوتسوز اوچوش آپاراتلارینین رومینیا سرحدینه یاخینلاشدیغی واخت باش وئریب.

Axar.az خبر وئریر کی، بو باره‌ده «پولیتیکو» نشری معلومات یاییب.

بیلدیریلیر کی، بریتانیا طیاره‌لری رومینیانین هوا مکانین‌دا اوچوشلار حیاتا کئچیریب. پیلوتلارا روس پوا-لارینا قارشی سلاح تطبیق ائتمه‌یه اجازه وئریلیب. لاکن درونلار رومینیا سرحدینی کئچمه‌دیی اوچون پیلوتلار آتش آچماییبلار.

نشر قید ائدیر کی، رومینیا اراضی‌سینده روس درونلارینین قالیقلاری آشکارلانیب. اونلار واکارنی شهرینده بیر فرمایا دوشوب:

«طیاره‌لر درونلاری اوکراینانین رومینیا سرحدیندن ۱،۵ کیلومتر مسافه‌ده یئرلشه‌ن رنی لیمان شهری اوزریندن اوچارکه‌ن ایزله‌ییردی. حاکمیت یاخینلیقدا یاشایان اهالینین تخلیه ائدیلدیینی و تهلوکه‌لی ماتریاللارین نظارتلی شکلده محو ائدیلدیینی بیلدیریب».