چینین تجارت ناظیرلیی آوروپا بیرلیینین روسیایا قارشی یئنی سانکسیا پاکتینه چین شرکتلرینی داخل ائتمه‌سینه گؤره «قطعی اعتراض»اینی بیلدیریب و آوروپانی «نتیجه‌لرله» هده‌له‌ییب.

Axar.az خبر وئریر کی، بو باره‌ده «رؤیترز» آگنتلیی معلومات درج ائدیب.

قید اولونور کی، پکین همین شرکتلرین سیاهیدان درحال چیخاریلماسینی طلب ائدیر.

آگنتلیک خاطیرلادیر کی، آوروپا بیرلیی-نین ۲۰-جی سانکسییا پاکتی اوچونجو اؤلکه‌لردن کریتیک اهمیتلی یوکسک تخنولوگییالی ماللارین تداروکچولرینه قارشی یؤنلیب. سیاهیدا بیر نئچه چین شرکتی ده یئر آلیر. بو موسسه‌لر روسیانین حربی-صنایع کمپلکسی اوچون ایکیلی تعییناتلی محصوللار و یا سلاح سیستملری تداروک ائتمکده اتهام اولونور.

آدی آچیقلانمایان چینین تجارت ناظیرلیینین نماینده‌سی بیلدیریب کی، بو آددیم چین و آوروپا بیرلیی لیدرلری آراسین‌دا الده اولونموش راضیلاشمانین روحونا ضددیر و قارشیلیقلی اعتمادی، ائلجه ده ایکی‌طرفلی مناسبتلرین عمومی ثابتلیینی جدی شکلده سارسیدیر.

پکین بیان ائدیب کی، چین شرکتلرینی قوروماق اوچون «ضروری تدبیرلر» گؤرمه‌یه حاضردیر. بونونلا یاناشی وورغولانیب کی، «بوتون نتیجه‌لره» گؤره مسئولیتی آوروپا بیرلیی داشییاجاق.