ارمنیستانین آقاراک رایونو یاخینلیغیندا آزاد اقتصادی زونا یاراتماق لاییحه‌سی باش توتماییب.

آخار. آذ خبر وئریر کی، ارمنیستان ایرانا آدیچکیلن رایوندا آزاد اقتصادی زونا یاراتماغی تکلیف ائدیب. ایلکین حسابلامالارا گؤره، بونون اوچون ۳۰ میلیون دوللار سرمایه طلب اولونوب. لاکین ایران طرفی اقتصادی اساسلاندیرما آپاراراق بو رایونا سرمایه یاتیرماق ایسته‌مه‌ییب.

ممسئله نین ماهیتی ایسه اوندان عبارت‌دیر کی، آقاراک رایونونون دنیزه چیخیشی یوخدور و هئچ بیر دؤولتله هم سرحد دئییل.

ارمنیستانین «آرمتیمس» سایتی یازیر کی، گویا رسمی ایروان بو لاییحه‌نی رئاللاشدیرماقدان ایمتینا ائدیب. لاکین ارمنیستانین اقتصادی وضعیتی اولدوقجا آغیردیر و اؤلکه‌یه سرمایه جلب ائدیلمه‌سی حکومتین ان باشلیجا وظیفه‌سی‌دیر. بئله اولان حالدا گؤره‌سن هانسی سبب‌دن ارمنیستان ۳۰ میلیون دوللار سرمایه‌دن ایمتینا ائدیب؟

معاصر دؤورده اقتصادی اینکیشافا جان آتان هئچ بیر نورمال دؤولت سرمایه‌دن ایمتینا ائتمز، او جمله‌دن ارمنیستان. ساده‌جه اولاراق ایران اینوستورلاری بو اؤلکه‌نین پرسپکتیوینه شبهه ایله یاناشدیقلارینا گؤره بو ایشی حیاتا کئچیرمک ایسته‌مه‌ییبلر کی، بونون دا سببلری وار.

ایشغال‌چی‌لیق سیاستی، قونشو دؤولتلره قارشی ایر‌لی سوردویو تورپاق ادعالاری ارمنیستانی تجرید اولونموش وضعیته سالیب. بون‌دان باشقا، ائرمنیستاندا باش آلان کورروپسییا و روشوتخورلوق خاریجی سرمایدارلاری چکیندیریر.

بوندان اول رسمی ایروان ایراندان دمیر یولو چکمک و ارمنیستان اوزریندن کئچمکله روسییا ایله بیرلشدیرمک تکلیفی ایله چیخیش ائتمیش‌دی. لاکین بو آنلاشما کاغیذ اوزرینده قالدی. دمیر یولو چکیلدی، آنجاق ارمنیستان‌دان یوخ، آذربایجاندان کئچمکله.

آقاراک رایونوندا یاراتماق ایستدیی آزاد اقتصادی زونا ارمنیستانین نؤوبتی اوغورسوزلوغودور.