چین اوکیانلارین اؤیرنیلمه‌سی ساحه‌سینده فعال شکل‌ده چالیشیر، دنیز رسورسلاریندان استفاده ایله باغلی بؤیوک آمبیسییالارا مالکدیر، عینی زمان‌دا آمریکا و اونون متفقلری ایله دنیزده قارشی‌دورمایا حاظرلاشیر.

Axar.az خبر وئریر کی، بو باره‌ده «نیو یورک تایمز» نشری یازیب.

«چین علمی-تدقیقات گمیلری اوکیانلارین داها درین و اوزاق بؤلگه‌لرینی آراشدیریر، بو ایسه دنیزین و اقلیم دییشیکلیینین تأثیرینین داها یاخشی باشا دوشولمه‌سینه خدمت ائده بیلر. لاکن بو آراشدیرمالارین نتیجه‌لری، عینی زمان‌دا، چینین حربی-دنیز ماراقلارینا – خصوصیله ده ساکت اوکیان‌دا سوالتی قاییقلارین یئرلشدیریلمه‌سی و یا آز گؤرونه‌ن آمریکا سوالتی قاییقلارینین ایزلنیلمه‌سی جهدلرینه خدمت ائده بیلر.

معلوماتلارا اساساً، سون ایللرده چین علمی گمیلری تایوانین شرق ساحللری و گوام آداسی اطرافینداکی سولاری اطرافلی شکل‌ده اؤیرنیر. محض گوام‌دا آمریکا-نین ساکت اوکیانین غرب حصه‌سینین مدافعه‌سینه جوابده اساس حربی-دنیز بازاسی یئرلشیر.

چین گمیلری همین اراضیلرده یا پارالل خطلر اوزره، یا دا سیخ شبکه شکلینده حرکت ائدیبلر. متخصصلرین فکرینجه، بو، همین استراتژی نقطه‌لرده دنیز دیبینه دایر معلوماتلارین سیستم‌لی شکل‌ده توپلانماسیندان خبر وئریر. بو جور معلوماتلار، مثلاً، سوالتی حربی عملیاتلارین پلانلاشدیریلماسین‌دا اولدوقجا فایدالی اولا بیلر»، - نشر قید ائدیب.