جبهه‌ده باش وئرن بؤیوک ایتکیلره باخمایاراق، عمومی‌لیکده روسیا اردوسو ضعیفله‌مک عوضینه داها دا گوج‌لنیر. بونا روسیانین مالک اولدوغو رسورسلارین حجمی و دنیاداکی گئوسییاسی وضعیت کمک ائدیر.

Axar.az خبر وئریر کی، بونو اوکراینالی حربی اکسپرت تاراس چموت بیلدیریب.

او قید ائدیب کی، روسیا اردوسونا یالنیز روسیا دولتینین الینده بیر آلت کیمی یاناشماق لازم‌دیر. اونا گؤره ده اردونون گوجونه دئییل، بوتؤولوکده روسیانین پتنسیالینا باخمالییق:

«بو، بؤیوک رسورسلارا و داواملی مالیه آخینینا مالک بیر اؤلکه‌دیر. روسیا جمعیتینده بو محاربه‌نین ماهیتینین درک اولونماسی ایله باغلی هر هانسی بیر پروبلم یوخ‌دور. حاضردا هر شی آیدیندیر، هامی محاربه آپارماق ایسته‌ییر. روسیا تمامیله آوتوریتار دولت‌دیر و باشقا جور اولا دا بیلمز. تأسف کی، اهالی بو محاربه‌یه اینانیر».