یوخاری

«ایران‌دا گؤزلنیلمز حادثه‌لر باش وئره بیلر» - مصاحیبه

آنا صحیفه رپورتاژ
12 Punto 14 Punto 16 Punto 18 Punto

پولیتولوق زردوشت علی‌زاده ایران‌دا باش وئرن اعتراض آکسییالاری، حادثه‌لرین مومکون اینکیشاف سناریلری ایله باغلی تلگراف. کوم-اون سواللارینی جوابلاندیریب.

اونونلا مصاحیبه‌نی تقدیم ائدیریک:

- زردوشت بی، ایران‌دا باشلایان و حاضردا داوام ائد‌ن آکسییالاری نئجه خاراکتریزه ائدیرسینیز. بو اعتراضلار نه ایله نتیجه‌لنه بیلر؟

- حکومت قرار قبول ائد‌رک، یاناجاغین قیمتینی قالدیریب. چوخ اوجوز قیمته یاناجاق آلماغا اؤیره‌نه‌ن اهالی قیمت آرتیمینا اعتراض ائدیر. اعتراضین فورماسی سس وئرمه دئییل، کوچه‌لره چیخیب میتینقلر تشکیل ائتمکدیر. اعتراضچیلار «رد اولسون سید علی خامنه‌ای »، «رد اولسون ایسلام حاکمیتی» شعارلارینی سسلندیریر. آکسییا چرچیوه‌سین‌ده حکومت بینالارینا، بانکلارا هجوملار ائدیلیر. پروسس بو شکیل‌ده داوام ائدیر. حکومت هله‌لیک پلیسین گوجو حسابینا چالیشیر کی، نماییشلرین قارشی‌سینی آلسین. حاضردا هر ایکی طرف‌دن اؤلنلر وار. حکومت آچیق شکیلده اعتراضچیلارا دئییر کی، حدینیزی بیلمه‌سه‌نیز، گوج عاملینی ایشه سالاجاغیق. «اینقیلاب کشیک‌چیلری» کیمی یاری حربی قوروملار دا معین مئساژلار وئریر. سؤزسوز کی، دونیادا ایسلام دؤولتینین آدی بدنامدیر، ایسلام رسپوبلیکاسینی ایستیبداد و آنتی-دموکراتیک قورولوش کیمی قلمه وئریرلر. هرچند بئله دئییل. هر بیر دؤولت اؤزونو مدافعه ائتمه‌لیدیر. آمریکا و آوروپا دؤولتلری لازیم گلنده اؤزونو قطیعتله و آمانسیز شکیل‌ده مدافعه ائدیرلر. ایندی هر شئی ایسلام حاکمیتینین بو نماییشلرین داوام ائتمه‌سینه نئجه رئاکسییا وئرمه‌سیندن آسیلی اولاجاق. اصلین‌ده یاناجاغین قیمتینین قالخماسی لابد ایدی، چونکی وضعیتی بو شکیلده ساخلاماق اوچون مؤوجود رسورسلار آرتیق توکه‌نیردی. مومکون اولانلار ایچریسینده ان آسانی و گؤزگؤرونه‌نی یاناجاق ایدی. حکومت لابد آددیم آتیب، ائله اهالی ده اونا لازیم اولان آددیمی آتیب. نتیجه‌ده ایکی قوه اوز-اوزه دایانیب.

- ایران‌دا باش وئره‌ن جدی اعتراض دالغاسین‌دا خاریجی تأثیر وارمی، وارسا، ندن عبارتدیر؟

- دوشونوره‌م کی، خاریجی فاکتور اساساً، آمریکا ایله باغلی‌دیر. بو هان‌سی شکیل‌ده اؤزونو بوروزه وئریر؟ آلتی دؤولت راضیلیغا گلیب نووه سازیشی ایمضالامیشدی. سونرا آمریکا ایسرایلین تضییقی و ترامپین اؤزونون دوشونجه غریبلیین‌دن ایر‌لی گلن آددیملار آتدی، آمریکا بین الخالق قانون ایستاتوسو آلان مقاویله‌دن چیخدی، یعنی قانونو پوزدو و بوندان سونرا ایرانا قارشی سانکسییالار تطبیق ائتدی. ایران نفتینین ساتیشینا اجازه وئرمه‌دی. بو قاداغا آوروپانین دا خوشونا گلمه‌دی، اما آمریکا بونو «آغا نظرم، بئله گزره‌م» منطیقی ایله ائتدی. آمریکا اؤز عالمین‌ده ایران خالقینی ایسلام رژیمینه قارشی قالدیرماغا باشلادی. سونرادان بو قاداغالارین ایران اقتصادیاتینا گوجلو تأثیری اولدو. ایندی سؤزده ایسلام رژیمی ایله ایشلری اولمادیقلارینی دئسه‌لر ده، آمریکانین مقصدی اونا اطاعت ائتمه‌یه‌ن ایسلامی قورولوشو دئویرمک و اؤزوندن آسیل اولان قورولوش یاراتماقدیر. بونون اوچون آمریکا هر شئی‌دن ایستیفاده ائدیر. هم گیزلی اصوللارلا، هم اقتصادی قاداغالارلا ایشلییرلر. واشینگتنون عنعنوی خاریجی دؤولتلرده اونا خوش اولمایان حکومتلری دئویرمک چالیشمالاری داوام ائدیر.

- ایران میتینقلرینده سید علی خامنه ای ایله باغلی شعارلار سسلندیریلسه ده، اصلین‌ده سیاسی طلبلر ایر‌لی چیخرمیر. سیزجه، بونا سبب ندیر؟

- آکسییا قیمت آرتیمینا اعتراض اولاراق باشلاییب. اما میتینقلر داوام ائد‌جک‌سه، بو زامان سیاسی طلبلر ده اؤنه چیخاجاق. یادینیزا سالین کی، ۱۹۸۸-جی ایلین سونوندا باشلایان بیرینجی میتینق دالغاسین‌دا «اکولوژی»، «طبیعت»، «لنین»، «پارتییا» شعارلاری سسله‌نیردی، سونرا ایسه «رد اولسون سووئت اتفاقی»، «رد اولسون کمونیست پارتییاسی» شعارلاری اؤنه چیخدی. والسلام. هر شئیین اؤز زامانی وار. اعتراض میتینقلرینین ده اؤزونون دالغالاری وار. گؤره‌نده مقصده چاتیلمادی، بو زامان سیاسی رهبرلیگی اتهام ائدیرلر. من امینم کی، ایران‌دا یاناجاق اوولکی قیمته قاییتمایاجاق و اعتراضچیلار دا معین مرحله‌یه چاتاندان سونرا سیاسی شعارلار سسله‌ندیرمه‌یه باشلایاجاق.

- سیاسی طلبلرله پارالئل ائتنیک-میللی طلبلر ده اؤنه چیخا بیلرمی؟

- میللی-ائتنیک طلبلر اصلین‌ده اقتصادی طلبلرین پرده‌سی، سیاسی حاکمیتین الده ائدیلمه‌سی اوچون ایستیفاده ائدیله‌ن آلتدیر. ارمنیستان‌دا قاراباغ ارمنیلری حاکمیتده ایدی. بو، یئرلی ارمنیلر اوچون قیجیقلاندیریجی حال یارادیردی. بو سبب‌دن ده یئنی قوه‌لر میللت، وطن، آزادلیق، دموکراتییا شعارلاری قیشقیراراق قیجیقلانمانی آتشلندیردیلر. ایران‌داکی آذربایجان‌لیلار دا دئییرلر کی، مکتبیمیز اولسون. هئچ کیم اورادا آذربایجان دیلین‌ده دانیشماغی، اوخوماغی، آذربایجان رقصی ائتمیی قاداغان ائتمیر. دیلین اهمیتی ندیر؟ آذربایجان دیلین‌ده درسلیکلرین اولماسیدیر. اما بو او دئمک دئییل کی، بئله اولسا چوخ کئیفیت‌لی، دونیا سوییه‌سین‌ده مکتبلر و تحصیل اولاجاق. سیاسی حاکمیت نامینه اینسانلاری سفربر ائتمک اوچون دینی، صینفی، اتنیک و تورپاق مسئله‌لریندن ایستیفاده ائدیلیر.

ایران خالقی اینقیلاب ائتدی، غربلشمه‌یه دوغرو ایری آددیملار آتان شاه رژیمی دئوریلدی. اوزینده نه قوردولار؟ ایسلام رژیمی. اونلار دموکراتیک غرب مودلینه سؤیکه‌نه‌ن آزاد جمعیت قورا بیلردیلرمی؟ یوخ، ایران خالقینین سیاسی مدنیتی بونا ایمکان وئرمیر. ایندی ده ایسلامی حاکمیته قارشی اینقیلاب ائتمک ایستییرلر. عوضینده دموکراتیک اؤلکه قوراجالار؟ یوخ. ایسلامی رژیمی دییشسه‌لر تخمیناً مصرده و یا لیوییاداکی کیمی رژیم قوراجاقلار. یعنی ایرانی داغیداجاق و آمریکادان آسیلی وضعیت‌ده اولان قورولوش یاراداجاقلار. آمریکادان آسیلیلیق هانسیسا خالقا خوشبختلیک گتیریبمی؟ یوخ! خوشبخت‌لیگی خالق گرک داخیلدن اؤزو قورسون. اگر بو یوخدورسا، نه قوراجاقسان؟ عوضینده اؤلکه داغیلاجاق.

- آکسییادا سس‌لنه‌ن «سید علی خامنه ایییه اؤلوم»، «رد اولسون ایسلام رژیمی» کیمی چاغیریشلارین جزاسی اعدام‌دیر. بو چاغیریشی مینلرله اعتراضچی سسلندیریب. بو اینسانلارین هامی‌سی اعدام اولوناجاق؟

- دوشونموره‌م کی، مینلرله اینسانی اعدام ائد‌جکلر. اما جزا آپاراتی ایشه دوشسه، خئیلی سای‌دا اینسانی حبس ائدیب جزالان‌دیراجاقلار. بو، ایران‌دا بیرینجی حادثه دئییل.

- بو آکسییالار ایسلامی رئژی‌می دییشه‌جک پوتئن‌سیالا مالیک‌دیرمی؟

- منیم فیکریمجه، بون‌دان دا گئنیش آکسییالار ایسلامی رئژی‌می دییشمک گوجونه مالیک دئییل. اما اولا بیل‌سین کی، من یانیلیرام، گؤزلنیلمز حادثه‌لر باش وئره بیلر. هله‌لیک ایسلام رئژی‌می جمعیت‌ده کیفایت قدر شبکلشیب، جمعیتین بوتون طبقه‌لرینه سیرایت ائده بیلیب و گوج‌لودور.

تاریخ
2019.11.21 / 10:36
مولف
Axar.az
شرح لر
دیگر خبرلر

ارمنی ایله ائوله‌نه‌ن، دیله‌نه‌ن آذربایجانلی میلیونچو…

۲۰۲۳ گونئی آذربایجان‌دا نئجه یاددا قالدی؟

رایسایا قاراباغ اوچون آمریکادا وئریلن باهالی اوزوک – فوتو

"آذربایجان" آدی تورکمنچای سازشینده - تاریخی فاکت

آتاتورک ناخچیوانلا سرحدی جیبینین پولو ایله آلیب؟

اوردوموز قافانا نظارت ائدیر - یئنی ویدئو

بو، ایرانین آذربایجان‌لیلارا دوشمن مناسیبتی‌دیر

سارا خاتونون بو خواهشینی ۲-جی محمت ائشیتمیر…

ایران دهشتلرینین عکس اولوندوغو کتاب…

جعفر جبارلینین اوغورلانمیش بئینی هارادا ساخلانیلیر؟

خبر خطّی
Axar.az'da reklam Bağla
Reklam
Bize yazin Bağla