گونئی آذربایجان موقتی ملی مجلیس تشکیلات کمیته‌سینین عضوو الیار ماکویینین ۲۱ آذر حرکاتی ایله باغلی Axar.az-آ مصاحیبه‌سی:

- بو گون ۲۱ آر حرکاتینین ایلدؤنومودور. پیشه‌وری‌دن ایندییه قدر نه دییشدی؟

- او گون ده، بو گون ده گونئی آذربایجان مسئله‌سی گونده‌مده‌دیر. آنجاق بیر فرق وار. او واخت پیشه‌وری ایران داخیلینده دیگر خالقلارین دا حاقلارینی برپا ائتمک ایستییردی. گونئی آذربایجان ملی حکومتینی قورارکن، «بوتون خالقلارین آزادلیغینی ایستییریک» دئییب ایر‌لی گئتدی. بیر ایلده اولدوقجا بؤیوک اوغورلار الده ائدیلدی: آنا دیلینده مکتبلر آچیلدی، ایشچی قوه‌سی تکمیللشدی، گونئی آذربایجان انکشاف ائتدی، مستقیل سیاست یوروتمه‌یه باشلادی. آنجاق چئوره‌سینده اولان بعضی اینسانلارین یانلیش مشورتی نتیجه‌سین‌ده پیشه‌وری تهران رژیمینه ایناندی. ائله بو اینام دا ملی حکومتین سونونو گتیردی. او واخت مستقیل آذربایجان جمهوریتی یوخ ایدی، تورکییه ده ایندیکی گوجده دئییلدی. بو گون ایسه گونئی آذربایجان تورکلرینین ۸۰ فایزی ملی مسئله‌ده اویانیب، آرتیق فارس، تهران مرکزلی حکومتله بیر یئرده اولماق ایستمیر، اونلارا اینانمیر. داها دا اؤنملی‌سی بؤلگه‌ده گوجلو آذربایجان و تورکییه وار. بو گون ایرانین ترکیبین‌ده هر بیر خالق اؤز آزادلیق مباریزه‌سینی آپاریر. ۱۹۴۵-جی ایلدکی حادثه‌لردن درس آلاراق آرتیق تهران مرکزلی حاکمیته اینانمایاجاق، ملی حکومتی برپا ائتمک اوچون الیمیزدن گلنی ائدجییک.

- گونئی‌لی سویداشلاریمیزین داوام ائد‌ن اعتراضلاری فونوندا حرکاتین ایلدؤنومو ایله باغلی هر هانسی تدبیر کئچیرمه‌سی گؤزلنیلیر؟

- گونئی آذربایجان‌دا سون ۷۰ ایلدیر ۲۱ آذرین ایلدؤنومونده مختلیف تدبیرلر کئچیریلیب. اما بونو آچیق شکیلده ائده بیلمیرلر. چونکی هر زامان – هم شاه، هم ملا رژیمینین قاداغالاری ایله قارشیلاشیبلار. حتی رژیم ایلدؤنومونده پروگرام کئچیره‌نلری نظارته گؤتوروب، ایللرله حبسه محکوم ائدیب. اونا گؤره ده ایلدؤنومونون ایران‌دا سون ۸۳ گونده‌کی اعتراضلارلا عینی واختا تصادف ائلمه‌سی تضییقلری بیر قدر ده آرتیراجاق. گونئی آذربایجان‌دا بعضی اعتراضلار اولاجاق، رژیم ده ایندیدن بونا اجازه وئرمیجیینی بیان ائدیب. فارس-ملا رژیمی، ائلجه ده شاه رژیمی ۲۱ آذر حرکاتینی قبول ائتمه‌ییب، ایندی ده ائتمیر، اونو ایرانا بؤیوک خیانت کیمی گؤرورلر. حتی مکتب وسایتلرینده پیشه‌وری خاین کیمی تقدیم ائدیلیر. گونئی آذربایجان‌دا ۲۱ آذرده (۱۹۴۶-جی ایل – رئد.) مینلرله اینسان غربین دستیی ایله اؤلدورولوب، یاخود اعدام ائدیلیب. همین گون بیزیم اوچون قانلی، عینی زامان‌دا، تاریخی گوندور. اما ایران رژیمی بونو عکسینه، «آذربایجانین قورتولوشو» اولاراق آدلاندیریر. اورادا ۳۰ مینه یاخین تورکون اؤلدورولمه‌سینه باخمایاراق، همین تاریخی - ۱۹۴۶-جی ایلین ۱۲ دکابرینی ایرانین ملی گونو کیمی قید ائد‌رک، «بیز ووردوق، اؤلدوردوک، آذربایجانی تورکلردن گئری آلدیق» اینفورماسییاسینی یاییرلار. بو سبب‌دن ده بیزلره ۱۹۴۵-جی ایلین ۲۱ آذر گونونو (تام بیر ایل یاشایان ملی حکومتی – رئد.) قید ائلمه‌یه هئچ بیر شکیلده امکان وئرمیرلر.

- آکسییالاردا «آزادلیق، عدالت، ملی حکومت» شعارلاری چوخ سسلندیریلن شعارلارداندیر. بونو شعاردان عمله کئچیرمک اوچون نه کیمی آددیملار آتیلیر؟

- بیر سیرا ملی فعال وطندن کناردا بیرلشه‌رک گونئی آذربایجان موقتی ملی مجی‌سینین قورولماسی اوچون تشکیلات کمیته‌سی تشکیل ائدیبلر. یوزلرله گونئی‌لی فعال بو کمیته‌یه دعوت ائدیلیب. اونلار گونئی آذربایجان تورکلرینین سسی اولماغی، سؤزلرینی دونیایا چاتدیرماغی قارشیلارینا مقصد قویوبلار. همچینین، گونئی‌ده یاشایانلارلا مخفیلیینی قوروماق شرطی ایله امکداشلیق ائدیر، فیکیر مبادیله‌سی آپاریریق. گؤرولن ایشلرله مباریزه‌میزی داها دا ایناملا ایر‌لی آپارماغا، گونئی آذربایجانین مستقیللیینین الده ائدیلمه‌سینه چالیشیریق. ۲۷-۳۰ نیابردا آذربایجان رسپوبلیکاسین‌دا ملی مجلیسیمیزین قورولماسی ایله باغلی بعضی گؤروشلر باش توتدو. امینیک کی، بو مجلیسین قورولماسی ایله گونئی آذربایجان اؤز مباریزه‌سینی داها فرقلی یئرلره گتیره‌جک.