چوخ گوجلو آنتی‌وکسیدانتلاردان بیری ده e ویتامینی‌دیر. ائ ویتامینی هوجئیره (سلول) قورولوشونون پوزولماسینین قارشی‌سینی آلیر، یارالارین ساغالماسینی سورتلندیریر، خرچنگه (سرطان) قارشی قورویوجو تأثیر گؤستریر.

آخار. آز e ویتامینینین فای‌دالاری حاق‌دا معلوماتی تقدیم ائدیر:

بو ویتامین دامار سرتلیینه و لاختالانمایا مانع اولور، درینی گؤزللشدیریر، ایممون سیستئمینی گوجلندیریر، گؤز ساغلاملیغی اوچون حیاتی اهمیت داشیییر. بده‌ن‌ده‌کی آغیر مئتاللار، زهرلی بیرلشمه‌لر، رادیاسییا و بعضی درمانلارین یاراتدیغی توکسینلره قارشی قورومانی تامین ائدیر. عینی زامان‌دا، ائ ویتامینینین آلزایمئر خستلیینین قارشی‌سینین آلینماسین‌دا موسبت تأثیری اولدوغو دا ثبوت ائدیلیب.

بس e ویتامینی هان‌سی قیدالاردا مؤوجوددور؟

باش‌دا تاخیل اولماقلا، ایسپاناق، بالقاباق، کله‌م، کاهی کیمی تروزلرده، زئیتون یاغی، بالیق یاغی، فیندیق، قوز، تون بالیغی، ساردینا، یومورتا ساری‌سی، پومیدور و کارتوف‌دا بول میقداردا ائ ویتامینی اولور. اساساً ده بیر اوووج فیندیق گون‌ده‌لیک ائ ویتامینی احتیاجینی بؤیوک نیسبت‌ده قارشیلاییر.

e ویتامینی چاتیشمازلیغین‌دا اورقانیزم‌ده بو علامتلر میدانا چیخیر:

– قان‌سیزلیق
– گؤزده ضعیفله‌مه‌لر
– تئز یورولما
– یارالارین گئج ساغالماسی
– جین‌سی ایستک‌سیزلیک
– سونسوزلوق.

e ویتامینی چاتیشمازلیغی اورک خسته‌لیکلری و خرچنگ ریسکینی ده آرتیریر. خصوصیله یئتکین‌لیک دؤورون‌ده e ویتامینی احتیاجی کیفایت قدر قارشیلانمالی‌دیر.