اللرده آغری، کئییمه، بعضا عضله گوجسوزلویو کیمی علامتلر وارسا، بونون سببی کارپال تونئل سیندرومو اولا بیلر. بو سیندروم مئدیان سینیرین بیلک ناحییه‌سینده سیخیلماسی نتیجه‌سینده عمله گلیر.

پوبلیکا .آذ خبر وئریر کی، الده کی سینیرلر هر هانسی فشار آلتیندا قالدیق‌دا کئییمه میدانا گلیر. تورکییه‌لی حکیم سلیم چپل اللرده میدانا گلن کئییمه‌نین سببلری و معالیجه‌سی حاقین‌دا معلومات وئریب.

تراوماتولوگ-اورتوپئد سلیم چپلین سؤزلرینه گؤره، اللرده کئییمه بارماقلارین اوزون مدت عینی ایشی یئرینه یئتیرمه‌سی نتیجه‌سینده یارانیر. بو حال خصوصیله کلاویاتورا ایستیفاده ائد‌ه نلرده داها چوخ راست گلینیر.

معالیجه اصوللاری هانسیلاردیر؟

حکیم بیلدیریب کی، بو خسته لیین معالیجه‌سینده نادیر حاللاردا اللره اینیکسییایا احتیاج دویولور: «دیگر حاللاردا عادتا، فیزیکی معالیجه (بارماقلارین مشق ائتدیریلمه‌سی) و رئابیلیتاسییا پروگراملاری تطبیق اولونور. اگر بونلارین هئچ بیری کؤمه ک ائتمیرسه و راحتلیق یارانمیرسا، کیچیک جراحی موداخیله ایله بونا سون قویماق مومکوندور. بو اصول خسته‌نین وضعیتیندن آسیلی اولاراق، آچیق شکیلده و یا ائندوسکوپیک جرراحییه ایستیفاده ائدیلمکله کئچیریله بیلر».

حامیله خسته‌لرده ده ال بیله یی سیندرومونا تئز-تئز راست گلینیر. لاکین چوخ حاللاردا اوشاق دونیایا گلن‌دن سونرا بو، اؤز-اؤزونه کئچیر.