آمریکانین میسوری اشتات محکمه‌سی «ژوهنسون و ژوهنسون» شیرکتینی ویرجینییا اشتاتیندان اولان قادینا ۱۱۰ میلیون دوللار تظمینات اؤد‌مه‌سی باره‌ده قرار چیخاریب.

بیگ. آز خبر وئریر کی، قادین شیرکتی محکمه‌یه اونا گؤره وئریب کی، «جونسون & جونسون»آ مخصوص اولان «تالک» اونون یومورتالیغیندا خرچنگ خسته‌لیگی یارادیب. اوزون ایللردیر سؤزوگئدن فیرمانین گیگینیک محصولونو ایستیفاده ائد‌ن قادین حاضردا اؤلومله چارپیشیر.

او دا معلوم اولوب کی، شیرکت بو محصولون حاضرلانماسی اوچون لازیم اولان «تالک» توزونو «ایمریس تالک آمریکا» شیرکتیندن آلیر. محض بونا گؤره محکمه تجهیزات شیرکتینین ده قادینا ۱۰۰ مین دوللار تظمینات اؤد‌مه‌سی باره‌ده قرار چیخاریب.

قید ائدک کی، ۲۰۱۲-جی ایلده ۶۲ یاشلی لویس سلمپه یومورتالیقلاریندا خرچنگ دیاگنوزو قویولوب. آرتیق خسته‌لیک قادینین قاراجیرینه ده یاییلماغا باشلاییب.

شیرکت محصوللاری ایله خرچنگ خسته‌لیگی آراسیندا علاقه‌نی رد ائدیر. اؤتن ایل شیرکت بونا بنزر ادعالارا گؤره ۱۰ میلیون دوللارلا تظمینات اؤد‌ییب.