اورگانیزمده ۵۰۰-دن آرتیق فونکسییانی یئرینه یئتیره‌ن قاراجگرین نورمال دورومو ساغلاملیق اوچون ان واجیب شرطلردن بیریدیر. قبول ائتدییمیز هاوانین، سویون، قیدا محصوللارینین ترکیبینده اولان ضررلی ماده‌لری ضررسیزلشدیرمک محض قاراجگرین اوزرینه دوشور و او، قانین تمیزله‌نمه‌سینی تعمین ائدیر. ائل آراسین‌دا دئییلمیشکه‌ن قاراجیر اورقانیزمین لابوراتورییاسی‌دیر. بو باخیمدان دا قاراجگرین واختاشیری تمیزله‌نمه‌سینه خصوصی دقت یئتیرمک واجیبدیر. خالق طبابتینده بونون اوچون بیر چوخ اصوللار مؤوجوددور.

آخار. آذ مودرن. آذ-آ ایستینادلا قاراجگرین تمیزله‌نمه‌سینین ۳ ان ساده اصولونو تقدیم ائدیر:

۱-جی اصول:

۱۰۰ گرام بال، ۵۰۰ گرم قیتیق اوتو (خرئن) و ۱ لیتر سو قاریشدیریلیر، بیر سوتکا عرضینده قارانلیق و سویوق یئرده ساخلانیلیر. گونده ۳ دفعه یئمکدن قاباق ۱ خؤرک قاشیغی قبول ائدیلیر.

۲-جی اصول:

قاراجگرین تمیزله‌نمه‌سی اوچون ۲ هفته عرضینده سحرلر آجقارنینا بیر چای قاشیغی زیتون یاغینی آغیز بوشلوغوندا چالخالاماق، یاغ دورولاشاندان، سود رنگینه چئوریلندن سونرا آغیزدان خاریج ائتمک لازیم‌دیر. بو تخمیناً ۱۵-۲۰ دقیقه واخت طلب ائدیر. بو پروسدور یاز و پاییز فصیللرینده داها افکت‌لی نتیجه وئریر.

۳-جو اصول:

۱۵ دنه ساپلاقلی جعفرینی الکتریک اویودوجوده (بلندر) تام ازمک، یاریم ایستکان سودا قاریشدیرماق و اوزرینه یاریم لیمونون شیره‌سی علاوه ائدیلمه‌لیدیر. سحرلر یئمکدن یاریم ساعت اول ۱۵ گون عرضین‌ده قبول ائدیلیر.

گؤروندویو کیمی، چوخ ساده، چوخ واخت آپارمایان و چوخ وسایت طلب ائتمه‌یه‌ن اصوللاردیر. بو اصوللاردان بیرینی حیاتا کئچیررکن اینسان صحتینده نظره چارپاجاق درجه‌ده مثبت ایرلیلییشلرین شاهیدی اولور، باش آغریلاری آرادان قالخیر، نفس آلما آسانلاشیر، تئز-تئز باش وئره‌ن سویوقدیمه حاللاری بیر داها تکرارلانمیر، دری ساغلام گؤرونوشه مالیک اولور، هامارلانیر، سیزاناقلار و جیزوه‌لر یوخ اولور، گؤز اطرافیندا اولان قارا لکه‌لر، گؤزون ایچینده‌کی ساریمتیل رنگ چکیلیر. قاراجگرین تمیزله‌نمه‌سی اورگانیزمین عمومی قوجالما پروسسینی لنگیدیر و بو تمیزله‌نمه عمومی‌لیک‌ده هم خاریجی گؤرونوشه، هم ده داخیلی اورگانلارا مثبت تأثیر گؤستریر.

جاوان گؤرونمک و ساغلام اولماق ایستییرسینیزسه، سیز ده بو اصوللاردان یارارلانین.