اساساً ائرکن یاش‌دا عائله قوران قیزلاردا سونسوزلوقلار مشاهده اولونور.

بونو «عمور» کلینیکاسینین حکیمی، ماما-گینکولوگ وصاله رحیمووا آخار. آذ-آ آچیقلاماسیندا دئییب.

«ائرکن یاشدا حامیله‌لیکده اوشاقلیغین و یومورتالیغین اؤلچولری تام فورمالاشمامیش اولور، آیباشی فونکسییاسینین و هورمونلارین اینکیشافی تاماملانمیر. اونا گؤره ده ائرکن یاش‌دا عائله قوران قیزلاردا سونسوزلوقلار مشاهده اولونور. اگر سونسوزلوق اولمورسا، یئنه ده دؤلون اینکیشاف‌دان قالماسینا و یا واختیندان اول ایتیریلمه‌سینه گتیریب چیخاریر. قیز اوشاقلاریندا اینفکسییالار، هورمونال پوزونتولارین داها چوخ یاشانماسی، لاختالانما سیستئمینده دییشیکلیکلرین چوخ اولماسی هورمونال بالانسین تام فورمالاشماماسی ایله علاقداردیر. عینی زاماندا قیزلار پسیخولوژی جهتدن تام فورمالاشمادیقلارینا گؤره حامیله‌لییه حاضرلیقلی اولمورلار. حامیله‌لیک دؤورونده دؤله نظارت ائتمک، حامیله‌لیگی سونا یئتیرمک و حکیمه واختی-واختیندا گئتمک کیمی مسئولیتی داشیمیرلار. آنا اولدوقدان سونرا بئله بو یاشدا کؤرپه‌یه قارشی یترینجه مسئولیت حس ائتمیرلر».

ماما-گینکولوگ هورمونال یئترسیزلیک اولدوغو اوچون دؤلون ایتیریلمه‌سینین تئز-تئز یاشاندیغینی قید ائدیب. او، دؤلده هر هانسی خسته‌لیک و یا شیکستلیین یاشلا علاقدار اولمادیغینی بیلدیره‌رک، قوهوم نیکاحلاری و گنتیک سببلرین قصورلو دؤللرین یاراماسینا گتیریب چیخاردیغینی سؤیله‌ییب.

قید ائدک کی، آچیق‌لانان ایستاتیستیکایا اساساً، ۲۰۱۶-جی ایلده ۲۸۰۹ اوشاغی ۱۸ یاشادک اولان آنالار دونیایا گتیریب.