تورکییه‌لی دیئت و قیدالانما اکسپئرتی سراب گؤزل قارپیز ایستهلاک ائدرکن دقت یئتیریلمه‌سی لازیم اولانلاری و قارپیزین فایدالارینی ایضاح ائدیب. گؤزل، "گونده اورتالاما ۲-۳ بوشقاب قارپیز یئمک اولار، اما بو میقدار آداما گؤره دییشر" دئییر.

شرق- آذ-این معلوماتینا گؤره، قارپیزین ساغلاملیغا فایدالاری سایماقلا بیتمیر. بیر بوشقابی ۵۰-۶۰ کالوری اولان قارپیز هم سرین‌لیک وئریر، هم ده شیرین احتیاجینی قارشیلاییر. آنجاق قارپیزین قبولو آدامین جینسیتینه، حرکتینه، ساغلاملیق وضعیتینه، بوی و کیلوسونا گؤره دییشمه‌لیدیر.

قارپیزی هر کس ایستهلاک ائده بیلر. قارپیزین مایع مزمونو یوکسک اولدوغو اوچون بؤیرک خسته‌لرینین دقت یئتیره‌رک یئمه‌لری مصلحت‌دیر.

شکر خسته‌لری قارپیز یئیه بیلر، اما میقدارا دقت یئتیرمه‌لیدیر. چونکی میقدار چوخ اولسا قان شکرینی یوکسلدر و آرزوولونماز وضعیته سبب اولار. دیابئتلی کسلر قارپیز ایستهلاک ائد‌جکلری زامان بوشقابا دقت یئتیرمه‌لی - ۱ پایدان، ۱ بوشقابدان چوخ ایستهلاک ائتمه‌مه‌لیدیر.

قارپیزین فایدالاری نلردیر؟

* گونده‌لیک مئیوه احتیاجینی قارشیلایار.

* لیف احتیوا ائتدیی اوچون باغیرساقلاری ایشله‌دیر.

* قیرمیزی مئیوه‌لرده آنتوسییانین و لیکوپئن یوکسک‌دیر و بونلار اورک خسته‌لیکلری، اینفارکت و بعضی خرچنگ نؤولرینه (خصوصیله پروستات) قارشی مدافعه کاراکتئرینه مالیکدیر.

* سو احتیوا ائتدیی اوچون گونده‌لیک مایع احتیاجینی قارشیلایار.

* ج ویتامینی و فولیک تورشو یوکسکدیر. ج ویتامینی خسته‌لیکلره قارشی مدافعه رولونو اوینایان ان یاخشی آنتی‌وکسیدان ویتامینلردن بیری‌دیر.

* قیرمیزی مئیوه‌لر اینفلاماسیونو آزالدار و آنتی‌وکسیدان خصوصیتلره صاحب بعضی فلاوونویدلئر احتیوا ائدر. قارپیزین بو سببله خسته‌لیکلره قارشی قورویوجو و ایممونیتتی گوجلندیریجی تأثیری وار.