ماساچوسئتس-لوول اونیورسیتتینین عالیملری آیدینلاشدیریبلار کی، مونتظم اولاراق اومگا-۳ دویمامیش یاغ تورشولاریندان ایستیفاده ایسترس سوییه‌سینی خیلی آزالتماغا ایمکان وئریر.

مودراتور. آذ خاریجی مطبوعاتا ایستینادا خبر وئریر کی، بو باره‌ده اونیورسیتتین سایتیندا درج اولونموش تدقیقاتدا دئییلیر.

متخصصلرین سؤزلرینه گؤره، اومگا-۳ اوزون مدت گوجلو ساکیتلشدیریجی افکته مالیکدیر و آغیر دپرسییالارین اینکیشافیندان قاچماغا ایمکان وئریر. تدقیقات‌چیلار ایناندیریرلار کی، دویمامیش یاغ تورشولاری اوشاقلاردا دا تجاووزکارلیغی آزالتماغا کؤمک ائدیر.

بوندان باشقا، تدقیقاتلار زامانی اومگا-۳ تورشوسونون باشقا موهوم خصوصیتی ده آشکار اولونوب. معلوم اولوب کی، بو تورشو بیین فعالیتینی یاخشیلاشدیرماغا ایمکان وئریر و ایللر بویو ایتیریلمیش دقتی و یادداشی برپا ائتمه‌یه کؤمک ائدیر. قید ائدیلیر کی، اومگا-۳-اون ان یاخشی منبعلرین‌دن بیری ده دنیز محصوللاری و گونباخان توملاریدیر.

خاطیرلاداق کی، ایلینویس ایشتاتی اونیورسیتتینین عالیملری ایولدا معین ائدیبلر کی، اومگا-۳ یاغ تورشولاری خرچنگین عمله گلمه‌سینین، اینکیشافینین و شاخه‌له‌نمه‌سینین قارشی‌سینی آلیر.