حیاتیمیزدا هر شئی یاخشی گئدرکن بیر آندا اؤزوموزو یالنیز، غمگین و چاره‌سیز حس ائده بیلریک. عقل‌لی اینسانلارین گونون بؤیوک حیصه‌سین‌ده یاشادیغی بو وضعیتی "خوشبخت اولماماق" اولاراق آدلاندیریریق.

ساغلامولون-اون معلوماتینا گؤره، عقل‌لی اینسانلارین یاشادیغی خوشبخت اولماما سیندرومونون آلتین‌دا یاتان سببلر بونلاردیر:

۱. هر شئیی حددن آرتیق چوخ آنالیز ائدیرلر

گون‌ده‌لیک حیاتلارین‌دا یا دا ایش حیاتلارین‌دا باشلارینا گلن هر سیتواسییادا چوخ دوشونمه‌یه مئیللیدیرلر. دوشونمه مدتلری بیر چوخ اینسانلا موقاییسه‌ده اوزون‌دور. نتیجه‌لری اونلاری کدرلندیرسه ده دوشونمکدن ال چکمزلر. اطراف موحیط پروبلئملری ایله چوخ ماراقلانیرلار. اطرافا لاقید موناسیبت گؤسترمیش کیمی گؤرونسه‌لر ده، ان چوخ ماراقلانانلار اونلاردیر.

۲. یوکسک ایستاندارتلارا صاحیبدیرلر

عقل‌لی اینسانلار نه ایستدیکلرینین فرقینددیرلر و ایستکلرینین رئاللاشماسینی ایستیرلر. آز ایله کیفایتلنمزلر. احتیمال وارسا، داها چوخ ایستییرلر. دوستلوق موناسیبتلری، عائله و یا ایش موناسیبتلری اولسون داها چوخونو ایسته‌مکده چکینمزلر. ایستکلری اونلاری ایدئالیست دوشونجه‌لره چکر. بیر ایده‌آل یارادارلار و آرخاسینجا گئدرلر. گؤزلنتیلری حیاتین رئاللیغی قارشی‌سیندا مغلوبیته اوغرادیقجا اونلار اوچون ده خیال قیریقلیغی قاچینیلماز اولار.

۳. اؤزلرینه قارشی سرتدیرلر

ایده‌آل دوشونجه‌لری و یا حیات طرزلری اولسون بونلاری تطبیق ائتمه‌یه جهد ائدرکه‌ن اؤزلرینه قارشی چوخ سرت اولورلار. درین دوشونجه‌یه صاحب اینسانلار، اوغورسوزلوقلاری قارشی‌سین‌دا اؤزلرینی گوناهکار سایارلار و حساس بیر شکیلده آنالیزینه باشلایارلار.

۴. دایما آختاریش ایچینددیرلر

عقل‌لی اینسانلار دایما بیر آختاریش ایچینددیرلر. ال چاتماز اولان مقصدلرین آرخاسینجا قاچماق‌دان زؤوق آلارلار. حیات‌داکی کیچیک شئیلرین اولماسی اونلار اوچون یئترسیزدیر، کیچیک شئیلرین آرخاسینجا قاچمازلار. اؤیرندیکلری رئال‌لیقلار یا دا صاحب اولدوقلاری معلوماتلار اونلار اوچون یئترسیزدیر. دایما بیر اؤیره‌نمه آجلیغی وار.

۵. اونسیت پروبلمی یاشایارلار

قارشی‌سینداکی اینسان طرفیندن تام اولاراق باشا دوشولمه‌مک اینسانین احوالینی کورلایان بیر وضعیتدیر. اونسیت اینسانلار آراسیندا قارشی‌لیقلی تأثیر یارادیر. عقللی اینسانلار چوخ واختی بو قارشیلیقلی تأثیردن محروم‌دورلار. اؤز فیکیرلرینی بیر باشقاسی ایله پایلاشدیقلاری زامان اوزه وورماسالار دا اکسیکلیکلرینی حس ائدرلر.

۶. بیر قیسمینین پسیخولوژی پروبلملری وار

سوسیال ناراحاتلیق و یا ایسترس کیمی بعضی پروبلملرله اوزلشمک مجبوریتینده قالیرلار. آپاریلان بیر چوخ آراشدیرما IQ سوییه‌سینین یوکسک اولماسینین بعضی خسته‌لیکلره سبب اولدوغونو اورتایا چیخارتمیش‌دیر. بو وضعیت‌ده عقل‌لی اینسانلار یارادیجی دوشونجه‌لرینی تام شکیلده قطعیلشدیره و یا پارلاق فیکیرلرینی گون ایشیغینا چیخارا بیلمیرلر.